Yaburi 109:20 - ALLALA KUMƐ

²⁰ Mari, n yogenu tɔrɔ wo nya na le katarala minnu bi ko-yogoma-su kɛnu fɔla n ma.

Yaburi 109:20 ပူးပေါင်းရင်းမြစ်များ

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 18:32

Mansɛ ya wo fanan manyinika. A ko, “Kɔnɔ ko ma ma Abasalɔm na?” Itiyopiya kɛ wo ko, “Min mara wo la, alamɛ wo nyɔgɔn mara i yoge bɛɛ la anubɛ minnu bi murutiyala i ma.”

1 Mansɛnu 2:44

Mansɛ ya a fɔ Simayi ye tun ko, “Ile nyɛrɛ ya a lɔn i ya ko-yogomɛ min ma n fa la. Wola ko la Mari Alla si ila ko-yogomɛ wo sara i la.

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Yaburi 71:10

N faga-sɔgɛ ye n yogenu na. Anu bi n tasɛla ka yanfɛ rabɛn n kan ma.

Yaburi 94:23

I si anuna karagbɛlɛyɛ lasɛgi anu kɔgɔ rɔ. I si anu kasara ka a tɛgɛ anu hakɛla ko ma. Ile mata Mari Alla si anu nato dogbe!

Matiyu 11:19

Nde, Hadama-danla nɛ, n ya fen dɔn ka n min. Bɛɛ ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le.’ Hali wo, Allata hɛnkilimayɛ ara yen ata kɛwɔli-latelennɛnu fɛ ko tonyɛ le.”

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Maraka 9:39

Yisa ya a fɔ Yɔni ye ko, “Wo kana a lakala bawo ni min bi kabana-koe kɛla n tɔgɛ rɔ, wo ti ke kuma-yogomɛ fɔla n ma wati kelan wo rɔ,

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

1 Kɔrɛnti 12:3

Nba, n bi a fɛ ka kuma-kolomɛ fɔ wo ye. Min bɛɛ maranɛ ata Ni-Sɛnimɛ bolo, wo fenfen ti ke a fɔla ko, “Yisa dankanɛ.” Ado nfan, ni ata Ni-Sɛnimɛ sa mɔgɛ min fɛ, wo ti ke a fɔla ko, “Yisa, Mari le.”

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.