Yaburi 108:8 - ALLALA KUMƐ

⁸ A ko Kaliyadi nyamanɛ, atɛ le wo la. Manasa nyamanɛ fanan ye wo nya le. A ko Ifɛrɛm nyamanɛ le manɛ a nɛgɛ-fulɛ la. A ko Yuda nyamanɛ le manɛ ata sɛnɛ-kɔlɔma la.

Yaburi 108:8 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Samuwɛli 2:8

Mansa Sɔlila kɛlɛ-den-kun-tigi, Nɛrila den Abina, wo ya a buri Mansa Sɔlila dan do la a bolo min tɔgɛ Isibosɛti. Anu tara Yorodan bɛ kɔgɔma ka ta anu sigi Mahanayim soe burɔ.

2 Samuwɛli 5:5

San wɔrɔnfila karɛ wɔrɔ, Dawuda ye mansayɛ la Yuda nyamanɛ rɔ. A siginɛ Hiburɔn soe burɔ. Wo kɔma, a tara sigi Yerusalɛm soe burɔ. San bi-sawa ani san sawa, a ye mansayɛ la Isirɛla anubɛ Yuda kun na.

Yaburi 122:5

Isirɛla mɔgɛnuna mansɛnuna kiti sa tinɛ le kɛ la, Mansa Dawuda kegeyɛ, kɔni.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”

1 Samuwɛli 28:4

Filisitinuna kɛlɛ-dannu ya anu daga makɛ Sunam soe dafɛ. Mansa Sɔli ya ata kɛlɛ-dannu Isirɛla mɔgɛnu fanan kundɛn ka anu daga makɛ Kilabowa kɔnkɛ kɔrɔ.