Yaburi 107:7 - ALLALA KUMƐ

⁷ Anu bi tala sigila soe min tɔ, a ya so-ta-kila-telennɛ yira anu na.

Yaburi 107:7 ပူးပေါင်းရင်းမြစ်များ

Nihɛmaya 11:3

Mɔgɔ-toe bɛɛ sigira a benba soe burɔ Yuda nyamanɛ rɔ. Wo kɔma, saraka-masɔlɛ donu wo, anubɛ Lifayi donu wo, anubɛ Bato-Bonna-wɔli-kɛlɛ donu wo, anubɛ Silamɛnita yɔɔn bɔnsɔn wo, wonu sigira anu benba soenu tɔ Yuda nyamanɛ rɔ. Kebila-kunyɛ minnu bɔra Yuda ka ta sigi Yerusalɛm, wonu tɔgɛ le kɛnu na.

Yaburi 107:36

A ya a ma, kɔnkɔtoenu sigira nyɔ. Anu ya soe raka anu nyɛrɛ ma nyɔ baraki!

Yaburi 107:4

Donu taranta yilan-yilanna wulɛ rɔ, kila sa kan min. Anu ma so-ta-kila fenfen yen anu si ta sigi kan min.

Yaburi 136:16

A sɔra mɔgɛ kɛnu yarɔ ka ta wulɛ rɔ. Ala keninteyɛ dan sa.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Yaburi 78:52

Wo kɔma, a sɔra ala mɔgɛnu yarɔ iko saga-fɛ-biralɛ. A ya anu kandan wula-da-rakolɔn rɔ.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Yɛrɛmaya 31:24

Mɔgɛnu si to siginɛ Yuda nyamanɛ anubɛ a soenu tɔ. Sɛni-salɛnu anubɛ kolo-fen-tiginu si taran nyɔ.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

2 Pita 2:15

Anu bara kila-telennɛnu boloka, ha kilɛ wo ara to-a-rɔ anu ma. Anu bara bila Beyorila den Belamta kilɛ fɛ bawo wo duruta wodi sɔrɔnna ala ko-yogoma-kɛ le tɔ,

2 Pita 2:21

Yanni anu ni bɔ kila-bɛrɛ fɛ, anu ya min lɔn kɔrɔma la, a fisa nun, hali wonu ma telenbagaya-kilɛ wo lɔn nun ka anu kan-kɔ sɔ Allata tɔn-sɛnimɛnu na min bara di anu ma fɔlɔn.