Yaburi 107:40 - ALLALA KUMƐ

⁴⁰ Alla ma mɔgɔ-tɔrɔlɛ wonu lɔn fenfen na. A ya a ma, wonu tora yilan-yilanna wulɛ rɔ kila sa kan min.

Yaburi 107:40 ပူးပေါင်းရင်းမြစ်များ

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

Yobu 12:21

A si kun-tiginu nayarabi. A si kurugbɛnu bole gbesi a la ka kɛlɛ-kɛ-fannu bɔ anu bolo.

Yobu 12:24

A si a ma, duninya-mansɛnu ni ma yuwɛ la. A si a ma, anu ni to-a-rɔ ka to yilan-yilanna.

Yaburi 107:4

Donu taranta yilan-yilanna wulɛ rɔ, kila sa kan min. Anu ma so-ta-kila fenfen yen anu si ta sigi kan min.

Yaburi 78:66

Alla ya a yogenu gben woletɔ wonu miliyara dɔgɔma-ma-de! Anu ma anu kɔgɔ raka a la tun.

Bɔ-Koe-Iyipiti 8:17

Anu ya a ma wo nya le iko Mari ya a fɔ nya min. Aruna ya sewuri wo bi ka dugi gbesi a la. Dugu-gbangban wo yɛlɛmanta muruntu-mɛrɛntɛnu na Iyipiti nyamanɛ kan tinɛ bɛɛ rɔ.

Bɔ-Koe-Iyipiti 8:24

Wo banda kɛ, Mari ya a ma wo nya le. Yɔlɔ-yogomɛnu donta mansɛ anubɛ ala mɔgɔ-banuna bɔnnu na. Iyipiti nyamanɛ bɛɛ tinyanta yɔlɛ wonu bolo.

Bɔ-Koe-Iyipiti 8:3

Turukɔɔkɔ wonu si Nayɛli bɛ lafa. Wonu si bɔ bɛ rɔ ka ta ale mansɛla bolɔn la. Anu si taran a sa tinɛ rɔ anubɛ ala mɔgɔ-banuna bɔnnu na anubɛ ala nyamanita-mɔgɛnuna bɔnnu na anubɛ ala biredi mintan tinɛnu burɔ, hali ala biredi-gbesi-mirannu burɔ, anu si wo bɛɛsi lafa.

Bɔ-Koe-Iyipiti 8:4

Turukɔɔkɔ wonu si to gbangbanna ale anubɛ ala mɔgɔ-banu anubɛ ala nyamanita-mɔgɛnu kuma.”

Daniyɛli 4:33

“Tiriyɛ wo rɔ, kumɛ wo bɔra a la iko n ya a lamɔɛn san-kole rɔ nya min. Mɔgɛnu ya nde, Nɛbukanasa gben anu kurun tɔ. N tara bin-dɔn-tinɛ iko ninki. Duri tora yigila n ma. N kun-sigi yanyara iko soee kan-kɔma-siyi. N surannu yanyara iko konatɛ.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Tɔn-Fɔɛ-Fila-Nyɔgɛ 32:10

“Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.

Lankɛnimayɛ 19:18

Wo na mɔgɛ bɛɛ fɛrɛ-bɔnkɛ dɔn tinɛ, a mansa wo, a kun-tigi wo, a kɛlɛ-den wo, a hɔrɔ wo, a yɔɔn wo. Wo na anu bɛɛ dɔn, a dɔgɔma wo, a kinama wo, hali soeenu anubɛ anuna burilɛnu.”

Kɛlɛ-Kurugbɛnu 4:21

Sisara bandannɛ dɔgɔma-ma-de! Wo le ya a to, kinɔgɛ tenbira a ma peru! Yeyɛli ya fani-bɔn wo balan-kɔlɔma-lasulennɛ do bi anubɛ kundu-wɛ. Musi wo ya a madon Sisara la sɛɛ, ka kɔlɔma wo gbangban a kunyɛ rɔ. Kɔlɔma wo tenbira a kunyɛ rɔ ka yigi dugu rɔ saru! A fagara.

1 Samuwɛli 5:9

Tɔn-kenkirɛla ke nyɔ, Mari ya kiraya-su wo sigi nyɔ-mɔgɛnu ma fanan ha anu kumakɔra kirayɛ wo bolo. Kirayɛ wo sigira so-burɔ-mɔgɔ damasi ma.

1 Samuwɛli 6:4

Filisiti mɔgɛnu ya anu manyinika ko, “Ma si Isirɛla mɔgɛnuta Alla kɔ fan nyamintan sufa lata?” Bolo-tafɛlɛnnɛ anubɛ saraka-masɔlɛnu ya a fɔ anu ye ko, “Wo ni fan-tonto-kirayɛ wo tamasere loli ladan sɛnɛ la anubɛ tula lolila muninyɛ sɛnɛ la bawo wonu denu bi wola nyamanɛ kasarala. Kɛ kelen-kelennamɛ-bɛɛ si ta so-kun lolɛ kɛ mansa loli gbɛ rɔ. Wo ye wo mala bawo kiraya kelan kɛ ara wobɛ wola mansɛnu tɔrɔ. Wo ni Isirɛla mɔgɛnuta Alla gbiliya. Tumado a si a fara wobɛ wola bɛsɛnu anubɛ wola nyamanɛ tɔrɔla.