Yaburi 107:4 - ALLALA KUMƐ

⁴ Donu taranta yilan-yilanna wulɛ rɔ, kila sa kan min. Anu ma so-ta-kila fenfen yen anu si ta sigi kan min.

Yaburi 107:4 ပူးပေါင်းရင်းမြစ်များ

Yobu 12:24

A si a ma, duninya-mansɛnu ni ma yuwɛ la. A si a ma, anu ni to-a-rɔ ka to yilan-yilanna.

Yaburi 107:40

Alla ma mɔgɔ-tɔrɔlɛ wonu lɔn fenfen na. A ya a ma, wonu tora yilan-yilanna wulɛ rɔ kila sa kan min.

Isikiyɛli 34:6

Woletɔ nta sagɛnu tara anu kun fɛ kɔnkɔ-layan-bɛnu anubɛ gburukulinu ma. Anu ta ara nyɛnsɛn dugi kuma, ado mɔgɔ-wo-mɔgɔ ma anu nyini.

Yilan-Yilan Koe 14:33

Wola dannu si yilan-yilan wo fɛ wulɛ rɔ san bi-nani kɔrɔ. Anu si tɔrɔyɛ sɔrɔn wola dɛnkɛninyabɛlitayɛla ko la ha kina wo dama ni faga.

Yilan-Yilan Koe 32:13

Musa ya a fɔ tun ko, “Mari fonde ara bɔ ko-yogoma-kɛlɛ wonu kuma, woletɔ a ya a ma, anu yilan-yilanta san bi-nani kɔrɔ wulɛ rɔ ha mɔgɔ fɔlɔtɛ wo bɛɛ fagara feu!

Tɔn-Fɔɛ-Fila-Nyɔgɛ 32:10

“Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.

Tɔn-Fɔɛ-Fila-Nyɔgɛ 8:15

A sɔra wo yarɔ wula-da-rakolɔn rɔ min makilannɛ, duguma-fen-yogomɛnu anubɛ bondalɛnu bi kan min. Wo tumɛ wo ye tagamana wulɛ wo rɔ yi sa kan min, Mari ya yi labɔ farɛ rɔ nyɔ wo ye.

Hiburunu 11:38

Dinkira-nyima ma duninya kɛ la mɔgɔ-su-kɛnu ye. Anu tora yilan-yilanna wulɛ rɔ anubɛ kɔnkɛnu tɛma. Anu sigira farannu na anubɛ denkɛnu tɔ dugi kɔrɔ.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.