Yaburi 107:38 - ALLALA KUMƐ

³⁸ Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Yaburi 107:38 ပူးပေါင်းရင်းမြစ်များ

Ko-Dabirɛnu 1:28

A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 17:16

Nta duwɛ si to a kuma. A si den-kei sɔrɔn i ye. A si ma bɔnsɔn siyaman na la. Mansɛnu si bɔ a bɔnsɔn rɔ.”

Ko-Dabirɛnu 30:43

Wo le ya a ma, Yakoba mara nɔnfulu-tigi-wɛ la. Yɔɔn siyaman taranta a bolo anubɛ sagɛnu anubɛ baanu, hali nyomɛnu anubɛ sofɛlɛnu.

Ko-Dabirɛnu 31:9

Alla ara wo fata kolo-fannu bɔ a bolo ka anu di n ma.”

Ko-Dabirɛnu 9:1

Alla ya ata duwɛ layigi Nowa anubɛ ala dannu kuma ka a fɔ anu ye ko, “Wo ni yiri bui ka dugu-kole lafa tun.

Yobu 12:23

A si sibole do lasiyaya ka anu tagbɛlɛya. Kɔnɔ wati wa tenbi, a si anu nɔ ka anu nato dogbe!

Bɔ-Koe-Iyipiti 1:12

Kɔnɔ anu tara Isirɛla mɔgɛnuna tɔrɔyɛ makofula nya min, Isirɛla mɔgɛnu tora siyayala wo nya na le. Anu warata ha Isirɛla mɔgɛnuna mɔninyɛ ya Iyipiti kɛnu bira.

Bɔ-Koe-Iyipiti 12:38

Sibolo-gbɛrɛkɛ-mɔgɛ donu basanta anu na ta tinɛ. Anu tara anuna kolo-fannu na anu bolo.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Isikiyɛli 37:26

Ma si sara koe do ma ma nyɔgɔn tɛma ka a tɛgɛ anuna habadan-sigi lafɛrɛ ma. N si anu ma dugurɛn bɛrɛbɛrɛ la ka anu nasiyaya. N si nta Bato-Bɔn sɔ nyamanɛ wo rɔ, a si to kan min tolon!

Tɔn-Fɔɛ-Fila-Nyɔgɛ 28:11

Wota Mari Alla si den-siyaman di wo ma anubɛ kolo-fannu anubɛ sɛnita-fannu lanyiri-nyamanɛ wo rɔ.

Tɔn-Fɔɛ-Fila-Nyɔgɛ 28:4

“Marita duwɛ si to wo ye ka a ma, wo ni yiri boi! Wola fui-fannu ni ma-a-la. Wola kolo-fannu ni siyaya.

Tɔn-Fɔɛ-Fila-Nyɔgɛ 30:9

Wota Mari si ata duwɛ layigi wo kuma koe bɛɛ rɔ. Wo si den-siyaman sɔrɔn, wola kolo-fannu si siyaya, wola ki-fannu si sabati wo bolo kosɛbɛ! Fɔlɔ nun, wota Mari Alla sewara ka fen-siyaman di wo benbanu ma. A sewanɛ fanan si fen-siyaman di wole fanan ma wo nya na le.

Tɔn-Fɔɛ-Fila-Nyɔgɛ 7:13

A si wo keni ka ata duwɛ layigi wo kuma. Wo ni siyaya ka yiri boi! A si ata duwɛ layigi wola nyamanɛ rɔ, wo ni ki-fen-siyaman sɔrɔn. Alla si ata duwɛ layigi wo kuma, wola kolo-fannu si sabati. A si duwɛ kɛnu di wo ma lanyiri-nyamanɛ wo rɔ.

Tɔn-Fɔɛ-Fila-Nyɔgɛ 7:14

Sibolo mumɛ sa duninya rɔ min si duwa-su-kɛnu sɔrɔn iko wole. Wo do-wo-do gbandɛ ti to, hali wola kolo-fannu.