Yaburi 107:37 - ALLALA KUMƐ

³⁷ Anu ya fui-fannu fui ka ki-fannu ki nyɔ rɔ. Anu ya dɔn-fan sɔrɔn nyɔ duk!

Yaburi 107:37 ပူးပေါင်းရင်းမြစ်များ

Ko-Dabirɛnu 26:12

San wo la, Isiyaka ya sɛnɛ sa nyɔ. A ya sugi min nyɔgɔn fui, Marita duwɛ yigira a kuma. A ya wo nyɔgɔn kɛmɛ sɔrɔn.

Aiseya 37:30

Wo kɔma, nde, Nɛbi Aiseya ya a fɔ Mansa Hɛsakaya ye tun ko, “Nyina, fɔ wo ya ki-fen-bananu dɔn. Yari, fɔ wo wa wonu gba-mabunsannu dɔn. Yari kɔ, wo si wola ki-fannu ki ka wola fui-fannu fui. Wonu ba ke tumɛ min, wo si wonu tɛgɛ. San sawa, ko-nya kɛnu si ma tamasere la wo ye

Aiseya 65:21

Soe wo burɔ, mɔgɛ si sigi a halala-bɔn kɔrɔ. Min bi sundi labɔla, wo le ye a tɔnɛ sɔrɔnna.

Yɛrɛmaya 29:5

A ko wo ni bɔnnu sɔ ka wo sigi nyamanɛ wo rɔ. Wo ni ki-fannu ki alako wo ni to anu gbɔɛ dɔnna.

Yɛrɛmaya 31:5

A ko wo si ki-fannu ki tun Samariya kɔnkɛnu ma. Wo si wonu gbɔɛnu dɔn,

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

1 Kɔrɛnti 3:7

A fuila wo, a yi-kɛla wo, fen ma wonu na. Alla min bi a mala, fui-fan ni fɛrɛn ka sabati, wo le kolo.

2 Kɔrɛnti 9:10

Alla le ye sugi dila sɛni-salɛ ma anubɛ a si min dɔn. A si sugi bɛɛ di wole fanan ma ka wola sɛnɛnu nasabati alako wo ni fan ni bolo-kolɔnnu ma duk!