Yaburi 107:12 - ALLALA KUMƐ

¹² Anu bara bandan ka a tɛgɛ wɔli-gbɛlɛmɛ ma. Anu kɛnɛna buila, ado mɔgɔ-wo-mɔgɔ sa min si anu dɛnbɛ.

Yaburi 107:12 ပူးပေါင်းရင်းမြစ်များ

2 Mansɛnu 14:26

Mari ya wo ma bawo a ara a yen, Isirɛla mɔgɛnu bara tɔrɔ nya min, ado anu dɛnbɛn-mɔgɔ-gbɛrɛkɛ sa nyɔ, a mara yɔɔn la wo, a mara hɔrɛ la wo.

2 Mansɛnu 6:33

A ye banna kumɛ kɛ fɔla wo gbetu, mansɛ wo kera. Mansɛ wo ko, “Mari le ya tɔrɔyɛ kɛ bɛɛ lana ma kuma. N si Marita dɛnbɛnɛ wo makɔnɔ nfen ko la tun?”

Nihɛmaya 9:37

Ma ara hakɛ kɛ min kɛ, mala nyamanɛ kɛ tɔnɛ bɛɛ ara ban tola sibolo-gbɛrɛ-mansɛnu denu ye. Koe minnu di anu ye, anu bi wo le sigila mabɛ mala kolo-fannu ma. Ma ye tɔrɔya-belebele le kɔrɔ kɛ la.”

Yobu 9:13

Allata diminyɛ dan sa. Hali kɔgɔ-yi-nyinɛ minnu bi ninkinankɛ dɛnbɛna, wonu si anu madu a kɔrɔ.

Yaburi 142:4

N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

Yaburi 22:11

I kana ta n ma wula la. Tɔrɔyɛ sa n ma wula la tun, ado n dɛnbɛna-gbɛrɛkɛ sa.

Bɔ-Koe-Iyipiti 2:23

San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Aiseya 63:5

A ko a ya a kolan lakalan kɔnɔ a ma a dɛnbɛna fenfen yen. A ara tɛrɛna, a ma mɔgɔ-den-kelen yen min si a dɛnbɛ. Woletɔ a ko a nyɛrɛta fondo-bɔɛ ya a sɛnbɛ don. A ko a nyɛrɛ kɔɛn le ya a ma, a ya nɔlɛ kɛ.

Kɛlɛ-Kurugbɛnu 16:21

Filisitinu ya a bira ka a ya-filɛ tii. Anu ya a bi ka ta a la Kesa soe burɔ. Anu ya a kiri yɔlɔkɛ la minnu nadannɛ silɛɛ la. Anu ya ale Samsin ma dɛgɛ-bundennɛ la anu ye yele la.

Kɛlɛ-Kurugbɛnu 16:30

A ya a fɔ ko, “Hali mabɛ Filisitinu fagara ma nyɔgɔn fɛ, tana ma wo la.” A ya a sɛnbɛ bɛɛ labɔ ka sɛnbɛrɛn-kɔn wonu natuntun. Bɔn wo kerita. A buira anubɛ mansa lolɛ wonu kuma anubɛ mɔgɛ min bɛɛsi ye nyɔ. Samsin-fagamatoe ya mɔgɛ min nyɔgɔn faga wo wati rɔ, wonu siya ata mɔgɔ-faganɛnu ko wo tumɛ a ye a kɛndɛ la.