Yaburi 106:6 - ALLALA KUMƐ

⁶ Male ara hakɛ kɛ iko ma benbanu. Ma sɔn ma kin.

Yaburi 106:6 ပူးပေါင်းရင်းမြစ်များ

1 Mansɛnu 8:47

Kɔnɔ tɔ-a-la, ni anu ya anu yisi yɛlɛma nyɔ, anu ni tubi worɔ ka a fɔ ko anu bara bila ile Alla la,

Ɛsira 9:10

“E, Alla, male si nfen fɔ kɛ kɔma gbɛ? I ya tɔn minnu fɔ ila nɛbinu ye, ma ara wonu tinya. Nɛbinu ya a fɔ ma ye nun ko ma ye nala sigila nyamanɛ min tɔ, nyamanɛ wo bɛɛ latinyani de! Ko-yogoma-su bɛɛ ye nyɔ.

Nihɛmaya 1:7

I ya ila tɔn minnu don Nɛbi Musa bolo Isirɛla mɔgɛnuna ko la, ma ma sɔn wonu birala. Ma ara ko yogomɛ kɛ i la. Wo le wara a ma, ma ara bila i la.

Nihɛmaya 9:16

Kɔnɔ ma benbanu mara wasintenu anubɛ tolo-gberenu na. Anu ya anu ban ita kumɛnu bira-koe ma.

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Yɛrɛmaya 14:20

Mari, ma ara ma sɔn a la i ye ko ma wunduyogo ka a dan-natenbi. Ma ara ma sɔn a la ko ma benbanu ma a nyima sigi i ma. Ma ara hakɛ kɛ i la kati!

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Yilan-Yilan Koe 32:14

Kaka, a sɔgɛ ye wole la, wo ni wo sanka wo fanu ma iko anu ya hakɛ kɛ nya min, wa? A sɔgɛ ye wole la, Mari ni diminya Isirɛla mɔgɛnu ma tun ka tenbi a fɔlɔtɛ la?

Matiyu 23:32

Nba, wo benbanu ya min dabira, wo ni wo raya ka wo laban!