Yaburi 106:5 - ALLALA KUMƐ

⁵ I ni sɔn, n ni ila mɔgɛnu yen tala yarɔ alako nde fanan ni do sɔrɔn anuta sewɛ rɔ. Nde fanan ni n wasi i la iko ita mɔgɛnu.

Yaburi 106:5 ပူးပေါင်းရင်းမြစ်များ

2 Samuwɛli 20:19

Mala soe kɛ, Isirɛla nyamanɛ kun-bira-soe le, yisi-kima-soe le, ado a so-burɔ-mɔgɛnu kan-kelen-tigi le anu na Isirɛla mɔgɛnu ye. Nfenna wo ye soe kɛ tinya-koe rɔ? A sɔgɛ ye wo la, wo ni Marita soe kɛ tinya?”

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 105:43

Woletɔ a ya ala mɔgɔ-yabɔnɛnu nabɔ. Anu bi sɔnkɔla ka baraka-bira-bɛtinu bɔ sewɛ la.

Yaburi 118:15

Wo ni wo tole masɔ Marita mɔgɛnuta sewa-kan la nɔlɛ bolo anuna fani-bɔnnu na. Anu bi a fɔla ko, “Mari ara ata sɛnbɛ-makawanɛ mayira!

Yaburi 14:7

N ya madiyali kɛ n sɛbɛ-kuna-wɛ la. N ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Mari ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!

Yaburi 48:11

Alamɛ Yerusalɛm kɛnu sewara. Alamɛ Yuda nyamanita-mɔgɛnu nyagalenta bawo ile si kiti tɛgɛ telenbagayɛ la.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 66:10

Ile Yerusalɛm, i ni sewa. Nyɔ di wole min ye, wo ni nyagalen. Wole min donu yisi-magboyanɛ Yerusalɛm wara-koe la nun, wo ni sewa ala ko la gbɛ!

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Sɛfanaya 3:14

E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”