Yaburi 106:41 - ALLALA KUMƐ

⁴¹ A ya anu kunyɛ don sibolo-gbɛrɛnu bolo alako anu yoge wonu ni anu mara.

Yaburi 106:41 ပူးပေါင်းရင်းမြစ်များ

2 Samuwɛli 24:14

Mansa Dawuda ko, “Kɔndɔfili-bɛrɛbɛrɛ le kɛ la n bolo. A ma di n ye n hadama-den-nyɔgɛ ni n tɔrɔ. Yanni wo ni ma, ale Mari nyɛrɛ ni n tɔrɔ bawo kinikinɛ ye ale rɔ.”

Isikiyɛli 16:27

Nba kaka, nde, Mari ara n bole kɔrɔbi i tɔrɔ-koe la. N bara i halala-dugi madɔgɔya. N bara i kunyɛ don Filisitinu bolo, i gbo minnu ye, kɔni. Ila sɔn-yogoyɛ ara a sɔgɔ labɔ hali wonu denu na.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

Tɔn-Fɔɛ-Fila-Nyɔgɛ 28:29

Wo si belenna wo bole mɛmɛla tagama tinɛ tele tɛma iko fiyɔn. Wo ya ko-wo-ko ma, a si tinya wo la. Wo yogenu si to wo kankanna ka wo bira boloko-yogomɛ-kɛ. Wo ti wo dɛnbɛn-mɔgɔ sɔrɔn.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Kɛlɛ-Kurugbɛnu 15:11

Yuda bɔnsɔn-mɔgɔ waga sawa tara Samsin taran Itam faran la. Anu ya a fɔ a ye ko, “I wara nfen ma ma la kɛ la? I ma a lɔn ko ma ye Filisitinu denu kɔrɔ, wa?” Samsin ya a fɔ anu ye ko, “N ya a ma Filisiti wonu na le dɔrɔn iko anu ya a ma n na nya min.”

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

Kɛlɛ-Kurugbɛnu 3:12

Isirɛla mɔgɛnu bilara Mari la tun. Woletɔ Mari ya a ma, Mohabu nyamani-tigi Ɛkilɔn ya Isirɛla mɔgɛnu nɔ.

Kɛlɛ-Kurugbɛnu 3:14

Mansa Ɛkilɔn taranta Isirɛla mɔgɛnu kuma san tan-ni-segin kɔrɔ.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.