Yaburi 106:39 - ALLALA KUMƐ

³⁹ Anu kɛ-nya ya anu natinya, ado anu denu ma telen Alla ye.

Yaburi 106:39 ပူးပေါင်းရင်းမြစ်များ

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Isikiyɛli 20:18

Woletɔ n ya fonikenu makawandi anu tɔ ko anu kana anu benbanuna namunyɛnu bi. N ko anu kana anu nyɛrɛ latinya anuna bɛsi-kɔ-koe la.

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 22:3

Nde, wo Tigi Mari kan kɛ latenbi Yerusalɛm soe wo ma ko a ara ala mɔgɛnu faga-siyamɛ-kɛ min kɛ kɛ la, ka a nyɛrɛ latinya bɛsi-kɔ-koe fɛ, ata wati ye nala.

Isikiyɛli 36:17

“Ile hadama-dan, Isirɛla mɔgɛnu bi anuna nyamanɛ rɔ tumɛ min, anu ya a latinya anuna ko-ladan-nya fɛ. Anu kɛ-nya sɛninyabɛlɛ n yala iko musi tenbi ala wati rɔ.

Hoseya 9:1

Wole Isirɛla mɔgɛnu, wo ni wo fara wola ladiyɛnu kɛla iko Alla-lɔnbɛlɛnu. Wo ara wo kan-kɔ sɔ wota Alla la ka ma telenbɛlɛnu na a ye. Wo ara wo nyɛrɛ ma iko musu-yɛlan ka wo nyɛrɛ latenbi wola bɛsi Beyali ma nyamanɛ kɛ mumɛ bɛɛ rɔ iko bɛsɛ wo le wo de-nyinina ka wola fui-fan sabati.

Saraka-Masɔlɛnuta Tɔnnu 17:7

Mɔgɛnu kana anuna kolo-fannu faga dagɛ kɔma bawo dina-do-mɔgɛnu bi anuna baanuna muninyɛ kɔla nyɔ. Ni min ya wo ma, wo tigi ara a nyɛrɛ purukulu Mari bolo. Tɔn kɛ siginɛ Isirɛla mɔgɛnu ma ka a fɔlɔ bi ma ha duninya si ban.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.