Yaburi 106:24 - ALLALA KUMƐ

²⁴ Anu ma la Allata lanyiri la min kɛ, woletɔ anu ya anu ban nyamani-hakikɛ wo la.

Yaburi 106:24 ပူးပေါင်းရင်းမြစ်များ

Ko-Dabirɛnu 25:34

Woletɔ Yakoba ya biredi anubɛ sɔsɔ-tenɛ wo di a kɔrɔ Isɔ ma. Isɔ ban wonu dɔnna, a tara a ye. Isɔ ya ala sɔ tinɛ bɔrɔbɔ wo nya na le.

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Isikiyɛli 20:6

Wati wo le tɔ, n ya anu bɔ-koe latɛgɛ Iyipiti ka lanyiri kiri anu ye ta-koe la dugu-hakikɛ rɔ, n ya min yabɔ anu ye. Nyamanɛ wo dugi kin dɔgɔma-ma-de! Fan si nanfa a rɔ kubukubu!

Yilan-Yilan Koe 13:32

Anu ya foninyɛ ranyɛnsɛn Isirɛla mɔgɛnu tɛma. Hali anu ya a fɔ ko, “Dɔn-fan minnu bi nyɔ, wo ti mɔgɛ wonu tabɔ hali, ado dɔn-fen ti ma-a-la nyɔ. Mɔgɛ min bɛɛsi ye nyɔ, wonu yan ma ko kosɛbɛ!

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Yilan-Yilan Koe 14:2

Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Yilan-Yilan Koe 14:9

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Matiyu 22:5

Kɔnɔ minnu kelenɛ, wonu ma anu tole masɔ wo la. Anu tara anu nyɛrɛ makoenu tɔ. Kelen tara ala sɛnɛ rɔ. Do tara feri-kɛ-tinɛ.

Tɔn-Fɔɛ-Fila-Nyɔgɛ 1:26

“Kɔnɔ hali wo, wo murutiyara ka wo ban Marita kumɛ birala. Wo ma sɔn tala muk!

Tɔn-Fɔɛ-Fila-Nyɔgɛ 1:32

Mata Mari Alla sɔra ma yarɔ su-ni-tele ka ma daga makɛ tinɛ yira ma la tuma-wo-tuma. Tele rɔ, a manɛ iko banda-fin-gbɛ. Suyi rɔ, a manɛ le iko tɛ kɔnɔ hali wo, wo fanu ma la ale la.”

Tɔn-Fɔɛ-Fila-Nyɔgɛ 9:23

Mari ya wo labɔ Kɛdɛsi-Baniya tumɛ min ka ta lanyiri-nyamanɛ bi-tinɛ a tiginu bolo, wo murutiyara a ma. Wo ma la ale la. Wo ma ata tɔnnu bira.

Hiburunu 12:16

Wo ni a ma wo fɛrɛma ko mɔgɔ-wo-mɔgɔ kana ma sɔn-yogoma-tigi la. Wo kana ma iko Isɔ min ya ata sɔ tinɛ mayira a dɔgɛ ma dɔn-fen-nɛla ko la.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

Hiburunu 4:6

Minnu fɔlɔn ya kibara-nyimɛ lamɔɛn, wonu ma anu sulen tinɛ sɔrɔn bawo anu ma dɛnkɛninya Alla ma. Kɔnɔ donu bi nyɔ minnu si sulen tinɛ sɔrɔn, yɔ!

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.