Yaburi 106:19 - ALLALA KUMƐ

¹⁹ Anu ya ninki-danla muninyɛ ladan sɛnɛ la Sinayi kɔnkɛ kɔrɔ. Wo kɔma, anu sɛgira wo kɔla.

Yaburi 106:19 ပူးပေါင်းရင်းမြစ်များ

Nihɛmaya 9:18

Anu ya tura-bulanla muninyɛ ladan anuna bɛsɛ la. Anu ya a fɔ ko anuta alla le wo la min ya anu nabɔ Iyipiti. Wo ya a ma, anu bilara i la dɔgɔma-ma-de!

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Bɔ-Koe-Iyipiti 32:35

Mari ya kiraya-fitinɛ lana mɔgɛnu kuma ka a tɛgɛ ninki-dan wola muninyɛ ladan-koe ma Aruna ya min nadan anu ye.

Kɛwɔlɛnu 7:41

Wo kɔma, anu ya ninki-danla muninyɛ ladan ka wo ma bɛsɛ la anu nyɛrɛ ye ka sarakɛ bɔ wo ye. Anu ya ladiyɛ ladan ka a tɛgɛ anu nyɛrɛta bolola-wɔlɔ-gbɛ wo ma ka wo gbiliya.

1 Kɔrɛnti 10:7

Ma kana bɛsɛnu kɔ iko wonu denu ya a ma nya min, ado a sɛbɛnɛ Allata kitabu rɔ ko, “Anu ya anu de-nyini ka anu min. Wo kɔma, anu wulita Alla-lɔnbɛlɛnuna dɔn-kɛ-nya bila.”

Tɔn-Fɔɛ-Fila-Nyɔgɛ 9:19

Marila diminyɛ ara a ma, n bara kilan dɔgɔma-ma-de! A fonde bɔra ha a sɔgɛ ya a bira ka wo damasi faga tɛrr! Kɔnɔ Mari ya a wɔlɔ matɔlɔ nta madiyali-kɛ-kan la.

Tɔn-Fɔɛ-Fila-Nyɔgɛ 9:21

N ya wola fen-kɔsɔnɛ wo bi, wola ninki-danla muninyɛ, kɔni, ka a lakɛ tɛ rɔ. Wo kɔma, n ya a rakerikeri ka a ramɛsɛya ha a mara gbangban la. N ya a gbangban bi ka a rawuya yi rɔ min kunyɛ sɔnɛ kɔnkɛ wo ma. Yi wo yigira gbangban wo la pon!

Tɔn-Fɔɛ-Fila-Nyɔgɛ 9:8

Katarala Sinayi kɔnkɛ kɔrɔ, wo ya a ma, Mari Alla fonde bɔra dɔgɔma-ma-de! A fonde bɔra ha a sɔgɛ ya a bira ka wo lato dogbe!