Yaburi 105:8 - ALLALA KUMƐ

^8-9 Alla ara sarama-kan min kiri mabɛ ma benba Iburayima anubɛ Isiyaka ye, a si a yili to wo ko wo bɔnsɔn-natoenu ye.

Yaburi 105:8 ပူးပေါင်းရင်းမြစ်များ

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

1 Ko-Kɔrɔta-Karan 16:15

Alla ara sarama-kan min kiri mabɛ ma benba Iburayima anubɛ Isiyaka ye, a si a yili to wo ko habadan, ado tele kelen ko ma wo la!

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Yaburi 105:42

Alla ya sarama-kan-sɛnimɛ min kiri ala wɔli-kɛla Iburayima ye, a ma nyina wonu ko.

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 111:5

Minnu bi a gbiliyala, a si wonu beli-fan di anu ma, ado a ti nyina a sarama-kan ko mumɛ!

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Bɔ-Koe-Iyipiti 2:24

Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko

Yɛrɛmaya 11:5

A ko wo si a ma, ale fanan ni a waralɛ latɔnbagaya min kirinɛ ma benbanu ye. A si nyamani-hakikɛ di anu ma, ki-fannu si nanfa kan min kubukubu, ado ma ye nyɔ le kɛ la kaka. Nde, Yɛrɛmaya ko, “Mari, ale le wo la.”

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Tɔn-Fɔɛ-Fila-Nyɔgɛ 7:12

“Ni wo ya wo tole masɔ tɔn kɛnu na ka anu bira a kila-bɛrɛbɛrɛ fɛ, wota Mari Alla si ata lanyiri kanbali wo ye worɔ. A si wo keni worɔ tolon, iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

Yasowa 21:43

Mari ya nyamanɛ wo bɛɛsi di Isirɛla mɔgɛnu ma iko a ya lanyiri kiri anu benbanu ye nya min. Anu tara ka nyamanɛ wo mɔgɛnu kɛlɛ ka anu nɔ. Anu tora nyɔ.