Yaburi 105:16 - ALLALA KUMƐ

¹⁶ Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.

Yaburi 105:16 ပူးပေါင်းရင်းမြစ်များ

Ko-Dabirɛnu 41:54

San wɔrɔnfilɛ kɔnkɔ-fitinɛ ya a dabira iko Yusufu ya a fɔ nya min. Dɔn-fen wo dɔn-fen sa nyamanɛnu tɔ minnu bi Iyipiti nyamanɛla foolɛ rɔ kɔnɔ kɔnkɛ ya Iyipiti nyamanita-mɔgɛnu bira tumɛ min, anu dira mansɛ dala dɔn-fen-koe rɔ. Mansɛ ya a fɔ anu ye ko, “Wo ta Yusufu wara. Ni ale ya min fɔ wo ye dɔn-fen-koe rɔ, wo ni wo ma.” Kɔnkɔ-fitinɛ wo gbɛlɛyara nyamanɛ bɛɛ rɔ tumɛ min, Yusufu ya bondɔnnu dɛ laka ka a mayira Iyipiti kɛnu ma. Dɔn-fan minnu namaranɛ nun, wonu tagbayara Iyipiti nyamanita-mɔgɛnu ma.

Ko-Dabirɛnu 47:13

Kɔnkɔ-fitinɛ tora gbɛlɛyala nyamanɛ wo rɔ bɛrɛkɛ, woletɔ dɔn-fen ma taran nyamanɛ wo rɔ nun hali! Iyipiti nyamanɛ anubɛ Kenan nyamanɛ kasarata kɔnkɔ-fitinɛ wo bolo.

Ko-Dabirɛnu 47:19

Ma tigi, i yandi, ma dɛnbɛ. Ma kana na faga i ya la. Yanni ma ni faga kɔnkɛ bolo, wo ni mabɛ mala duginu san dɔn-fan la. Male si to yɔɔnyɛ rɔ mansɛ bolo. Mala duginu si to mansɛ bolo. Nba woletɔ, i yandi, sugi di ma ma alako mala duginu makolɔn kana to.”

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

Yaburi 104:15

Ado nfan, anu si ke gbɛɛ sɔrɔnna min si a ma, anu ni sewa. I si ɔlifi-tuli fanan di anu ma alako anu ni anu yakɔrɛ mamun. I ye dɔn-fan dila anu ma alako anu ni to sɛnbɛ sɔrɔnna.

Aiseya 3:1

Hadama-dan minnu bi Yerusalɛm soe anubɛ Yuda nyamanɛ rɔ, wonu tonɛ fan min bɛɛ ma anubɛ anu tonɛ mɔgɛ min bɛɛ ma, Mari Sɛnbɛ-Bɛɛ-Tigi si na wo bɛɛ bi anu bolo. A si anu beli-fan anubɛ anuna yi bi anu bolo.

Isikiyɛli 4:16

Wo kɔma, a ko, “Ile hadama-dan, n bi nala kilɛ tɛgɛla Yerusalɛm dɔn-fen-koe ma. Anubɛ min nɛ ye anu bolo, anu si to wo makisila ka a dɔn haminyɛ la anu bolo.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Hegayi 2:17

Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.

Kɛwɔlɛnu 7:11

Nba, kɔnkɔ-fitinɛ nara Iyipiti anubɛ Kenan nyamanɛ bɛɛ rɔ ka mɔgɛ bɛɛ tɔrɔ. Ma benbanu ma ke dɔn-fen sɔrɔnna.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.