Yaburi 105:1 - ALLALA KUMƐ

¹ Wo ni baraka bira Mari ye. A ye ko-makawanɛ minnu kɛla, wo ni wonu fɔ sibolo-gbɛrɛnu ye.

Yaburi 105:1 ပူးပေါင်းရင်းမြစ်များ

1 Ko-Kɔrɔta-Karan 16:34

Wo ni baraka bira Mari ye bawo a si nyimayɛ kɛ, ado ala keninteyɛ dan sa mumɛ!

1 Ko-Kɔrɔta-Karan 25:3

Yɛdutunla den-kei mɔgɔ wɔrɛ minnu bi wɔlila ale kɔrɔ, wonu tɔgɛ le kɛnu na, Kɛdalaya wo, Seri wo, Yɛsaya wo, Simayi wo, Hasabaya wo, anubɛ Matetaya. Wonu tenbi wɔlɔyiya-kuma fɔla, anu si sɔrɔn fɔ ka Mari tanto.

1 Ko-Kɔrɔta-Karan 29:13

Woletɔ male ye baraka birala i ye ka tantolɛ di ile mata Alla ma.

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

Yaburi 106:1

Tantolɛ ni kɛ Mari ye! Baraka bira Mari ye bawo a ye ko-nyimɛ kɛla ma ye. Ala keninteyɛ ti ban mumɛ!

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Yaburi 96:3

Alla gbiliyanɛ nya min anubɛ a ye kabana-koe minnu mala, wo ni wonu fɔ duninya-mɔgɛ bɛɛ ye.

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Kɛwɔlɛnu 9:14

ado a ara sɛnbɛ sɔrɔn saraka-masɔla-wɛnu bolo ka Damasika mɔgɛnu bira minnu bi ile Alla matarala i tɔgɛ rɔ.”

Romu 10:13

Iko a sɛbɛnɛ Allala kitabu rɔ nya min, a ko, “Min bɛɛ si Mari rakele a dɛnbɛn-koe la, wonu si kisi.”

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.