Yaburi 104:4 - ALLALA KUMƐ

⁴ Ila kilayɛ le fɔnyɔ la fanan. Ila wɔli-kɛlɛ le banda-nyin-masɔgɛ anubɛ san-sɛran la.

Yaburi 104:4 ပူးပေါင်းရင်းမြစ်များ

2 Mansɛnu 2:11

Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

2 Mansɛnu 6:17

Wo kɔma, a ya mataralɛ kɛ, a ko, “Mari, nta wɔli-kɛlɛ kɛ yɛ laka alako a ni fen yen kɛ.” Wo le ya a to, Mari ya a kan wo lamɔɛn. A ya a ma, Nɛbi Ilaisala wɔli-kɛlɛ wo yɛ lakara Allata kɛlɛ-dannu ma. Wɔli-kɛlɛ wo ya a yɛ lata kɔnkɛnu ma soela foolɛ rɔ. A ya soeenu anubɛ kirindinu yen ta-mɛlan la anu bolo kan tinɛ bɛɛ rɔ kɔnkɛ wonu ma.

Yaburi 148:8

A banda-nyin-masɔgɔ wo, a banda-kolo wo, a banda wo, a duru wo, a fɔn-digidigi-wa wo, wo bɛɛ ye Mari kuman-kan birala ka a tanto.

Isikiyɛli 1:13

Nima-fen nanɛ kɛnu tɛma, fan do ye malanna iko kala-mɛlan. Wo ye tola ta-ni-sɛgi kɛla anu tɛma. A wa a ma bilobilo, san ni a nyin masɔgɛ.

Sakaraya 6:5

A ya a fɔ n ye ko, “Kɛnu nanɛ ka bɔ duninya-tigi Mari bolo. Wonu bi tala duninya-tonko-nanɛ rɔ.”

Kɛwɔlɛnu 23:8

Ado nfan, Sadusinu ko furinu ti wuli ka bɔ sayɛ rɔ. Anu ko melika sa, ado niyi sa. Kɔnɔ Farisinu lara wo ko sawɛ bɛɛ la.)

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 1:7

Alla ya kɛ le fɔ melikanuna ko la ko, “Nde, Alla ye wole nna melikanu mala iko fɔnyɔ. N bi wole nna wɔli-kɛlɛnu mala iko ta-mɛlan.”