Yaburi 104:35 - ALLALA KUMƐ

³⁵ Alamɛ hakɛ-tiginu kasarata duninya kɛ rɔ pɔ! Alamɛ ko-yogoma-kɛlɛnu wara-koe kara-a-la feu! N ni Mari tanto n sɔndɔmɛ bɛɛ la! I ni Mari tanto!

Yaburi 104:35 ပူးပေါင်းရင်းမြစ်များ

Yaburi 1:4

Kɔnɔ karagbɛlɛnu mani ma iko mɔgɛ kɛ. Wonu mani de iko fɔnyɔ si ta fen-gbalɛ min na.

Yaburi 101:8

Karagbɛlɛ minnu bi nyamanɛ kɛ rɔ, n si to wonu bara-koe kala-a-la tele-wo-tele alako karagbɛlɛyɛ ni ban Marita soe burɔ.

Yaburi 103:22

Ala dali-fan bɛɛ ni Mari tanto! Wo ye kan-bo-kan, a ye wo kun na nyɔ. N ni Mari tanto n sɔndɔmɛ bɛɛ la!

Yaburi 104:1

N ni Mari tanto n sɔndɔmɛ bɛɛ la! E, nta Mari Alla, i makawara dɔgɔma-ma-de! I makirinɛ mansayɛ anubɛ gbiliyɛ la.

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 145:20

A di min bɛɛ ye, a si wonu nakanan kɔnɔ a si karagbɛlɛnu kasara.

Yaburi 37:38

Kɔnɔ hakɛ-tigi, wo la ye tola le dogbe! Hali a kegeyɛnu, wonu na si to.

Yaburi 73:27

Mɔgɔ-wo-mɔgɔ ya a masɛgi ile la, wo tigi si tɔrɔ, yɔ! Ni mɔgɔ-wo-mɔgɔ ma a telen i ye, i si wo tigi halaki.

Hɛnkilimaya-Kumɛnu 2:22

Kɔnɔ minnu karagbɛlɛ, Alla si wonu wurun burutu, iko mɔgɛ si binyɛ wurun nya min sɛnɛ rɔ.

Aiseya 13:9

Marita lɔgɔ-latɛgɛnɛ ara gbɛrɛn. Wo wati si a taran, Mari yakɔrɛ sisinɛ dɔgɔma-ma-de! Duninya mumɛ bɛɛ ra si kolonya filili! Hakɛ-tigi bɛɛ si halaki.

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.