Yaburi 104:32 - ALLALA KUMƐ

³² A wa duninya mafɛlɛn, dugi ni yɛrɛyɛrɛn. A wa a kɔɛn tugu kɔnkɛnu na, ta-sisi ni bɔ.

Yaburi 104:32 ပူးပေါင်းရင်းမြစ်များ

Yaburi 114:7

Ile dugi, i ni yɛrɛyɛrɛn Mari yarɔ, Yakobata Alla, kɔni.

Yaburi 144:5

E, Mari, i ni san-kole fara ka yigi n dafɛ yan, ado i kɔɛn wa tugu kɔnkɛ min na, wo si a sisi labɔ.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 77:16

E, Alla, kɔgɔ-yi wa i yen, wo fanan si kilan i la. Kɔgɔ-yi-tungban si yɛrɛyɛrɛn iko mɔgɛ si yɛrɛyɛrɛn kilan bolo i kɔrɔ nya min.

Yaburi 77:19

Kilɛ sanɛ i bolo kɔgɔ-yi-dumɛ tɛma kɔnɔ mɔgɔ-wo-mɔgɔ ti i kin-gbɛ yen.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Emɔsi 8:8

A ko a si dugi layɛrɛyɛrɛn wo la ha wo ni kilan. Dugi wo si yɛlɛ wo la ka yigi iko Nayɛli bɛ si fa nya min ka sagan.

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Lankɛnimayɛ 19:3

Anu ya anu kan nabɔ tun ko, “Alla tanto! Babilɔn-so-wɛ wo mintan-sisi ye yɛlɛla lugbu-lugbu!”

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.