Yaburi 104:3 - ALLALA KUMƐ

³ I wara a balan-kɔnnu gbangban kɔgɔ-yi rɔ. Ila kirindi le banda-finyɛnu na. I kanban le fɔnyɔ la min bi tala i la.

Yaburi 104:3 ပူးပေါင်းရင်းမြစ်များ

2 Samuwɛli 22:11

A sigira melika sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 139:9

Hali n ya n buri tala tele-bɔɛ, hali n tara n sigi tele-yigi pon,

Yaburi 148:4

Fan minnu bi san-kole kɔma pon, wo ni Mari tanto. Yi min bi san-kole rɔ fanan, wo ni Mari tanto.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Emɔsi 9:6

Mari warɛ le ye san-kole kɔma pon! A ya dugu-kole kɛ tuwa-fen sigi san-kole kuma. A wa kɔgɔ-yi rakele san ma a si wo labɔn dugu-kole ma, ado a tɔgɛ le Mari!

Nehami 1:3

Mari fonde ti bɔ tiriya kɔnɔ a sɛnbɛ makawanɛ, ado a ti sɔn mɔgɔ-yilikinɛ tɔrɔbɛlɛ ni to. Mari wa a tontɛ sɔ kan min, tɔnkɔlɔn le wulila nyɔ. A tontɛ gbangban si yɛlɛma banda-kole la.

Matiyu 26:64

Yisa ya a fɔ a ye ko, “Iko i ya a fɔ nya min, a ye wo nya le, yɔ! Kɔnɔ n ni a fɔ wo dama ye ka a dabira bi ma, wo si nde, Hadama-dan siginɛ yen Sɛnbɛ Bɛɛ Tigi kɔɛn-nyimɛ rɔ. Wo si n namatoe yen banda-fin-gbɛ rɔ!”

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.