Yaburi 104:2 - ALLALA KUMƐ

² I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 104:2 ပူးပေါင်းရင်းမြစ်များ

Yobu 36:30

A si a ma, bandɛ ni a nyin masɔgɔ kan tinɛ bɛɛ rɔ san-kole rɔ. Wo si waan raka hali kɔgɔ-yi-dumɛ rɔ.

Yobu 9:8

Mɔgɔ-wo-mɔgɔ ma Alla dɛnbɛ san-kole rafulen tinɛ. A kelen pe le si ke tagamana kɔgɔ-yi kuma.

Aiseya 40:22

Duninya-dannɛ le siginɛ ala mansaya-waganɛ rɔ. A ye san-kole kɔma duninya kuma pon! Mɔgɛ mani de a yala iko mɛnɛ-mɛnɛnɛnu. A ya san-kole rafulen de iko yorolan, ni wo ma, fani-bɔn.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Daniyɛli 7:9

“N bi wo fanan mafɛlan kun na, anu ya mansaya-waganɛnu nabɔ ka wonu sigi-bole rabɛn iko a bɛnta, anu ni sigi nya min. N ya Habadan-Tigi-Alla yen. Wo tara a mayigi waganɛ wo kelen tɔ. Ala kurɛnu gbɛnɛ perr! A kunyɛ gbɛnɛ ha ka gbɛ! Ala waganɛ wo, kiannu bi a la iko kirindi. Waganɛ wo ye malanna iko ta-mɛlan. Waganɛ wo kiannu silɛɛ ye tiila a ma iko ta-mɛlan.

Habakuku 3:4

I namatoe-mɛnsan ye tiila i ma iko san-sɛran. Ile Allata fanka-dogonnɛ i kɔɛn min tɔ, wo mɛnsan ye tiila i ma.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Matiyu 17:2

Anu bi Yisa mafɛlɛnna tumɛ min, a yen-nya yɛlɛmanta anu yala. A yakɔrɛ malanta iko tele. Ala kurɛ gbɛra iko waan.

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

1 Yɔni 1:5

Nba, ma ara sarakanɛ min namɔɛn Allala dan la ka a lake wo ma, wo le kɛ la. A ko Alla, waan le. Pinpi sa a rɔ hali!