Yaburi 104:14 - ALLALA KUMƐ

¹⁴ I ye binyɛnu nananfala kolo-fannu ye kubukubu! I wara ki-fannu nabɔ alako hadama-dan si wɔli nya min ka a beli-fan sɔrɔn.

Yaburi 104:14 ပူးပေါင်းရင်းမြစ်များ

Ko-Dabirɛnu 2:5

dugu-kole makolɔn le nun. Ki-fan anubɛ fira sa nun kamasɔrɔn mɔgɔ sa min si a wɔli, ado Mari Alla ma bandɛ lana wɛ dugu-kole kuma nun

Ko-Dabirɛnu 2:9

Kɔlɔma su bɛɛ minnu kin, ado anu gbɔɛ si dɔn, Mari Alla ya wonu nafɛrɛn nakɔɛ wo rɔ. Kɔlɔma fila ye nakɔɛ wo tɛma nun, “Nimaya-Kɔlɔma” anubɛ “Ko-Nyimɛ-anubɛ-Ko-Yoge-Lɔn-Kɔlɔma.”

Ko-Dabirɛnu 3:18

Wɔnɛ anubɛ binyɛ si fɛrɛn dugi rɔ i kan ma. Fɔ i wa i beli-fan nyini firɛ rɔ.

Ko-Dabirɛnu 4:12

Ni i ya i tui ka dugi wɔli, i ti fen sɔrɔn a rɔ muk! I si ma yilan-yilantoe la dugu-kole kuma.”

Ko-Dabirɛnu 9:3

Nima-fan min bɛɛ ye dugu-kole kuma, wonu si ma dɔn-fan la wo ye. N bara nima-fan bɛɛ di wo ma iko n ya fui-fannu di wo ma nya min nun.”

1 Mansɛnu 18:5

Mansɛ wo ya a fɔ Hɔbadaya ye ko, “Ma ni ta ma yɛ lakalan. Tumado, ma si binyɛ do taran yi-wɔrɔn anubɛ tenke-wɔrɔnnu na mala soeenu anubɛ mala sofɛlɛnu ye. Ni wo ma, fɔ ni ma ya mala kolo-fannu faga.”

Yobu 28:5

Mɔgɛnu bi dɔn-fan sɔrɔnna dugi min tɔ, anu si sɛgi wo le sinna tun ka kurinu tatii tɛ la dugu-kɔrɔ nyɔ.

Yobu 38:27

Yon bi banda-yi kɛla dugu-gbalanɛ ma alako binyɛnu ni fɛrɛn?

Yaburi 136:25

A ye dɛ min bɛɛ tɛgɛla, a ti wo fenfen takolɔn to, a dali-fan bɛɛ! Ala keninteyɛ dan sa.

Hɛnkilimaya-Kumɛnu 27:25

Mɔgɛ tenbi binyɛ tɛgɛla ka a sa ala kolo-fan kɔrɔ, do ye matiila wo gbɛ rɔ. A si ta kɔnkɛnu tɔ fanan ka binyɛ madɛn.

Yowɛli 2:22

Mari si a fɔ kolo-fannu ye ko, “Wo kana kilan. Bin-fɛrɛntoe le dugi ma. Kɔlɔmanu si gbɔ. Ki-fannu si gbɔ tisikiri!”

1 Kɔrɛnti 3:7

A fuila wo, a yi-kɛla wo, fen ma wonu na. Alla min bi a mala, fui-fan ni fɛrɛn ka sabati, wo le kolo.

Tɔn-Fɔɛ-Fila-Nyɔgɛ 11:15

Hali wola kolo-fannu bi binyɛ min dɔnna, wo si nanfa kubukubu! Wo ye nyinina dɔn-fan min bɛɛsi ma, wo si wo sɔrɔn duk!