Yaburi 104:1 - ALLALA KUMƐ

¹ N ni Mari tanto n sɔndɔmɛ bɛɛ la! E, nta Mari Alla, i makawara dɔgɔma-ma-de! I makirinɛ mansayɛ anubɛ gbiliyɛ la.

Yaburi 104:1 ပူးပေါင်းရင်းမြစ်များ

Yaburi 103:22

Ala dali-fan bɛɛ ni Mari tanto! Wo ye kan-bo-kan, a ye wo kun na nyɔ. N ni Mari tanto n sɔndɔmɛ bɛɛ la!

Yaburi 104:35

Alamɛ hakɛ-tiginu kasarata duninya kɛ rɔ pɔ! Alamɛ ko-yogoma-kɛlɛnu wara-koe kara-a-la feu! N ni Mari tanto n sɔndɔmɛ bɛɛ la! I ni Mari tanto!

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 7:1

E, nta Mari Alla, n bara na i wara n natanka-koe la. N yoge minnu bi n sagaranna, n tanka wonu masibɛ ma.

Yaburi 93:1

Mari le mansɛ la. A makirinɛ mansaya-mirannu tɔ, ado a makawara. Duninya ara balan gben a gbɛ rɔ, ado a la ti maga mumɛ!

Yaburi 95:3

Mari-makawanɛ le mata Alla la. Ata mansayɛ makawara ka tenbi mɔgɛnu bi minnu kɔla.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Yɛrɛmaya 23:24

Mɔgɔ ti a dogon kan-bo-kan, Mari ti a yen kan min. I tara san ma, i si a taran nyɔ. I tora dugu ma, i si a taran yan.

Daniyɛli 7:9

“N bi wo fanan mafɛlan kun na, anu ya mansaya-waganɛnu nabɔ ka wonu sigi-bole rabɛn iko a bɛnta, anu ni sigi nya min. N ya Habadan-Tigi-Alla yen. Wo tara a mayigi waganɛ wo kelen tɔ. Ala kurɛnu gbɛnɛ perr! A kunyɛ gbɛnɛ ha ka gbɛ! Ala waganɛ wo, kiannu bi a la iko kirindi. Waganɛ wo ye malanna iko ta-mɛlan. Waganɛ wo kiannu silɛɛ ye tiila a ma iko ta-mɛlan.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.