Yaburi 103:21 - ALLALA KUMƐ

²¹ Wole san-kole sɛnbɛ-tiginu, wo ni Mari tanto! Ala wɔli-kɛlɛ le wole la. Wo ye a sako kɛla.

Yaburi 103:21 ပူးပေါင်းရင်းမြစ်များ

Ko-Dabirɛnu 32:2

Yakoba ya anu yen tumɛ min, a ko, “Allata daga makɛ tinɛ le kɛ la.” Woletɔ a ya kan tinɛ wo tɔgɔ sa ko, “Daga Makɛ Tina Fila.”

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

2 Ko-Kɔrɔta-Karan 18:18

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari-mayiginɛ yen ala waganɛ rɔ Arinyɛni tɔ, ala melikanu kinkinɛ a la.

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yaburi 104:4

Ila kilayɛ le fɔnyɔ la fanan. Ila wɔli-kɛlɛ le banda-nyin-masɔgɛ anubɛ san-sɛran la.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Luka 2:13

Wati-kundunɛ wo kɔrɔ, Arinyɛnitɔ-melika siyaman bɔra gbɛ rɔ ka anu sɔ melika doi wo fɛ. Anu bi Alla tantola ko,

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”