Yaburi 103:17 - ALLALA KUMƐ

¹⁷ Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 103:17 ပူးပေါင်းရင်းမြစ်များ

Yaburi 100:5

Mari nyimayanɛ le. Dan sa ala keninteyɛ la. Ata lanayɛ si to burubukai!

Yaburi 111:3

Marita wɔlɛ mumɛ bɛɛ ya ata gbiliyɛ anubɛ ata mansaya-fanka yira mɔgɛnu na. Ata telenbagayɛ ti ban mumɛ!

Yaburi 118:1

Baraka bira Mari ye bawo a nyimayanɛ. Ata keninteyɛ ti ban mumɛ!

Yaburi 22:31

Hali minnu ma sɔrɔn bɛ, wonu si a lamɔɛn ko, “Ma tigi ara ala mɔgɛnu kisi.”

Yaburi 25:6

E, Mari, i wara ila keninteyɛ anubɛ ila kinikinɛ min kɛ ma ye nun kebi fɔlɔ, i ni i hɛnkili to wo ko.

Yaburi 90:16

I ni a ma, ma ni ita kabana-koenu yen ma yɛ la. Ma kegeyɛnu ni ita gbiliya-makawanɛnu yen.

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 15:8

ado n bi a fɔla wo ye ko Kirasiti mara Yahudiyanuna wɔli-kɛlɛ la ka a mayira ko Alla si ala lanyiri latɔnbagaya min kirinɛ ma benbanu ye.

Tɔn-Fɔɛ-Fila-Nyɔgɛ 10:15

Kɔnɔ a ya wo benbanu keni nya min, wo gbɛlɛ gben! A ya wole ma mɔgɔ-yabɔnɛnu na sibolo-mɔgɛ doinu tɛma duninya rɔ. Ha bi, wo manɛ mɔgɔ-yabɔnɛnu na a bolo.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.