Yaburi 103:12 - ALLALA KUMƐ

¹² Iko tele-bɔɛ fɛ-yan tele-yigi la nya min, a ye ma hakɛ masɛgila ma la wo nya na le.

Yaburi 103:12 ပူးပေါင်းရင်းမြစ်များ

2 Samuwɛli 12:13

Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

Yaburi 113:3

Ka a bi tele-bɔɛ ha tele-yigi, a bɛnnɛ wo ni to Mari matɔgɔla wo dama rɔ.

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 45:6

A ko ni i ya a yen, a ye wo mala, wo manɛ alako duninya-tonko-nanɛ bɛɛ ni a lɔn ko ale le Mari la, ado Alla-gbɛrɛkɛ sa ale kɔma.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Isikiyɛli 18:22

N si nyina a hakɛ bɛɛ ko. A si to a niyi la bawo a ara ko-telennɛ kɛ.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Maika 7:19

I si kinikini ma ma tun. Ma ara hakɛ minnu kɛ nun, i si wonu bi ka anu sa i tontɛ kɔrɔ ka anu matɛn ka anu nafili kɔgɔ-yi-dumɛ-kuri la.

Hiburunu 10:2

Ni Alla-batolɛ kɛnu si sɛninya anu hakɛ ma sarakɛ wonu fɛ, anu ti yiliki anu hakɛnu ma nun, ado saraka-koe si ban nun feu!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.