Yaburi 103:1 - ALLALA KUMƐ

¹ N ni Mari matɔgɔ n sɔndɔmɛ bɛɛ la. N fɛrɛ mumɛ bɛɛ ye Mari tɔgɔ-sɛnimɛ tantola.

Yaburi 103:1 ပူးပေါင်းရင်းမြစ်များ

Yaburi 103:22

Ala dali-fan bɛɛ ni Mari tanto! Wo ye kan-bo-kan, a ye wo kun na nyɔ. N ni Mari tanto n sɔndɔmɛ bɛɛ la!

Yaburi 104:1

N ni Mari tanto n sɔndɔmɛ bɛɛ la! E, nta Mari Alla, i makawara dɔgɔma-ma-de! I makirinɛ mansayɛ anubɛ gbiliyɛ la.

Yaburi 111:1

N si Mari tanto! N tenbi Allala mɔgɛnu tɛma, n si baraka bira Mari ye n yisi bɛɛ la.

Yaburi 138:1

N si baraka bira ile Mari ye n yisi bɛɛ la. N si ile matɔgɔ bɛsi-fuyinu yala.

Yaburi 145:1

E, nna mansɛ Alla, n si i makawa-nya lawanka mɔgɛnu ye. N si to i tantola habadan!

Yaburi 47:7

Mansɛ le ale la duninya mumɛ kun na. Wo ni a matɔgɔ bɛti-nyimɛnu na.

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Yaburi 99:3

A bɛnta bɛɛ ni a tɔgɔ-makawanɛ tanto bawo a sɛninyani de!

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Yɔni 4:24

Alla, niyi le. Minnu bi a batola, anu ni a bato a kila-bɛrɛbɛrɛ fɛ ala Ni-Sɛnimɛta dɛnbɛnɛ fɛ iko a ye nyinina a ma nya min.”

1 Kɔrɛnti 14:15

N ni nfen ma worɔ? N si Alla madiya n sɔndɔmɛ la kɔnɔ n si Alla madiya fanan n miriya la. N si bɛti bɔ n sɔndɔmɛ la, wo kɔma, n si bɛti bɔ fanan n miriya la.

Filipai 1:9

Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”