Taita 3:14 - ALLALA KUMƐ

¹⁴ I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Taita 3:14 ပူးပေါင်းရင်းမြစ်များ

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Matiyu 21:19

A ya toro-kuri yen kilɛ dafɛ. A tara ke kɔlɔma wo ma kɔnɔ a ma fenfen yen a la fɔ yanba-kunyɛnu gbansan! Woletɔ a ya a fɔ toro-kuri ma ko, “Ile, i ti gbɔ tun!” Toro-kuri wo mafɔsɔra kelenna!

Matiyu 7:19

Kɔlɔma minna gbɔɛ ti mɔgɛ munanfaga, wo kuri si tɛgɛ ka a lakɛ tɛ rɔ.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:8

Ni wo gbɔra bɛrɛkɛ, n Fa Allala gbiliyɛ si bɔ gbɛ rɔ wo fɛ. Woletɔ wo si ma nna karan-den-bɛrɛnu na.

Kɛwɔlɛnu 18:3

A mɛra nyɔ wɔlila anu fɛ bawo a ye a beli-fan sɔrɔnna fani-bɔn-nadan-wɔlɛ wo le tɔ iko wonu fanan bi a mala nya min.

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Romu 15:28

N ba ban wodi wo dantɛgɛla anu ma, n tenbi tala Sipeni, n si tenbi wo kɔndɔnna nyɔ.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Filipai 4:16

N bi Tɛsalonaika tumɛ min, n makoe taranta dɛnbɛnɛ la, wo ya a lata n ma le, ado a ma dan kinyama kelen dɔrɔn ma

Filipai 4:17

A ma ma, n makoe ye kɔ-fen na wo bolo. Min fisa, n ni to wo yenna sabatila ka a tɛgɛ wota foninsereyɛ ma. Wo le di n ye,

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

2 Tɛsalonaika 3:8

Ma ma dɔn-fen sɔrɔn mɔgɔ-wo-mɔgɔ bolo ma ma min sarɛ di. Ma tora wɔlila su-ni-tele alako ma kana ma dunɛ sa wo fenfen kuma.

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

2 Pita 1:8

Wo makoe ye kɛ-nya-sifa kɛnu denu na. Ni wonu bi wo bolo ka wara, wo ara min lɔn ma Mari Yisa, Allata-Mɔgɔ-Yabɔnɛ wara-koe rɔ, wo si a ma, wo ni wola wɔlɛ kɛ a kin na ka ko-nyinya Allata mɔgɛnu ma.