Taita 3:10 - ALLALA KUMƐ

¹⁰ Ni mɔgɛ do ye faralɛ kɛla, i ni wo makawandi kinyama fila. Wo kɔma, i makoe kana taran wo la tun,

Taita 3:10 ပူးပေါင်းရင်းမြစ်များ

Romu 16:17

N na-kelen-nyɔgɛnu, n bi wo madiyala ko wo ni a ma wo fɛrɛma mɔgɛ wonuna ko la minnu bi dan-nafarɛ kɛla wo tɛma. Wonu bi mɔgɛnu nasamala ka anu bɔ anuna dɛnkɛninyɛ rɔ. Wo ara karan-bɛrɛ min sɔrɔn, anu bi wo tinyana. Wo ni wo masɛgi mɔgɛ wonu na feu,

1 Kɔrɛnti 11:19

ado a fɛrɛ sa fɔ wo ni taran kan kelen tɔ alako minnu bi ko-latelennɛ kɛla Alla ye, wonu ni gbɛ wo tɛma.

2 Kɔrɛnti 13:2

Nna kɔndɔli fila nyɔgɛ rɔ, n ya hakɛ-tiginu makawandi nun, ado n sa wo fɛ kaka min kɛ, n bi a fɛ ka wobɛ doinu fanan makawandi. N ba ta tun tumɛ min, n si a lagbɛlɛya mɔgɛ bɛɛ kuma.

Kalesiya 5:12

A sɔgɛ ye n na, minnu bi wo kɔndɔfilila, wonu kana dan kemininya-koe ma dɔrɔn. Anu ni anu nyɛrɛ ma tɛgannu na feu!

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

2 Tɛsalonaika 3:14

Ma ya kumɛ min sɛbɛ kɛdi kɛ rɔ, mɔgɛ do si taran nyɔ min ti wo bira. Wo ni wo yili to anu ko. Ko-wo-ko kana taran wo tɛma, woletɔ anu si miliya.

2 Tɛsalonaika 3:6

Ma na-kelen-nyɔgɛnu, ma ye a fɔla wo ye ma Mari Yisa tɔgɛ rɔ ko minnu bara anu ban wɔli-kɛ-koe ma, wo ni fara wonu na feu! Wonu sa mala kumɛ birala, ado male ma anu nabila wo la.

2 Timoti 3:5

Anu si a ma iko anu bi Alla batola kɔnɔ anu ma la ata sɛnbɛ la mumɛ! I ni fara mɔgɔ-sufa wonu na feu!

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

2 Yɔni 1:10

Ni mɔgɔ-wo-mɔgɔ nara wo wara, a ma sɔn karan kɛ ma, wo kana a yiya. Hali ka duwa a ye ko, “Yisi-kimɛ ni to i fɛ,” wo kana wo ma.