Sɛfanaya 3:8 - ALLALA KUMƐ

⁸ Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Sɛfanaya 3:8 ပူးပေါင်းရင်းမြစ်များ

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 123:2

E, mata Mari Alla, ma yɛ bɛnnɛ i ma ha i ni kinikini ma ma iko wɔli-kɛlɛ si a yɛ bɛn a tigi ma nya min.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 37:34

I yigi sa Mari rɔ ka ata tɔnnu bira. Wo si a ma, i ni gbiliyɛ sɔrɔn. Nyamanɛ ni to i bolo worɔ. Mari tenbi karagbɛlɛnu gbenna nyamanɛ wo rɔ, i si wo rayen i yɛ la.

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 62:1

N si a bira n tɔ ha Alla ni n kisi. N lara ale kelen pe le la.

Yaburi 62:5

N yɛ bɛnnɛ ale Alla kelen pe le ma. N yigi bɛɛ sanɛ ale le tɔ.

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Yaburi 79:6

I yandi, ila fondo-bɔɛ wo telen i batobɛlɛnu denu na. I ni diminya i madiyabɛlɛnu ma.

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Aiseya 14:26

A ko miriya kɛ le a bolo duninyala ko la. A ara a kɔɛn kɔrɔbi sibole mumɛ tɔrɔ-koe la.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 34:2

Mari ara diminya sibole bɛɛ ma anubɛ anuna kɛlɛ-dannu. A ara anu dama kasara-koe latɛgɛ.

Aiseya 63:6

A ko a diminya-belebele kera wati min, a ya sibolenu tatɛntɛn. A ya anu yele-kuran-kuran rawuya dugi ma.

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Hoseya 12:6

Woletɔ wole Yakoba kegeyɛnu, wo ni la wota Alla la ka sɛgi a ma. Wo ni lanayɛ kɛ ka keninteyɛ yira wota Alla la. Wo ni wo muin ha Alla ni ata wɔlɛ kɛ.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Maika 7:7

“Hali wo, nde, Nɛbi Maika, n bi n kisilɛ Mari Alla makɔnɔna. Nta Mari Alla si a wɔlɔ matɔlɔ nta kumɛ kɛ la.”

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Hegayi 2:22

N si sɛnbɛ bɔ duninya kun-tiginu bolo. Anuna kirindinu si yɛlɛma ala burilɛnu na. Anuna kɛlɛ-dannu anubɛ anuna soeenu si faga kɛlɛ rɔ.

Matiyu 25:32

Duninya-mɔgɛ bɛɛ la si dɛn n yakɔrɔ. N si anu fara kurun fila la iko saga-fɛ-biralɛ si sagɛnu fara baanu na nya min.

2 Pita 3:10

Marita tele si na iko kankan. Wo tele kelan rɔ, san-kole si tenbi ka ban sɔnkɔ-sɔnkɔ-ba rɔ. San-kole anubɛ fan minnu bi a rɔ, wonu si mintan ka lee bandin! Dugu-kole anubɛ fan min bɛɛ ye a kuma, wonu bɛɛ si tenbi ka ban.

Lankɛnimayɛ 16:1

Wo kɔma, n ya kuman-kan-ba lamɔɛn bɔla Alla-Bato-Bɔn la. A ye a fɔla melika wɔrɔnfilɛ wonu ye ko, “Pani-kunba wɔrɔnfilɛ minnu nafanɛ Allata diminyɛ la, wo ta wonu tawiya dugu-kole kuma pu!”

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (