Sɛfanaya 3:6 - ALLALA KUMƐ

⁶ Mari ko ka a tɛgɛ wole, Isirɛla mɔgɛnuna ko ma, a ara sibolo-siyaman nato nun dogbe! A ya anuna soenu kasara ka anuna tarɛnu anubɛ anuna nyamani-kumafɛlɛn-tinɛnu tinya pɔ! Anuna soenu mara tonbon-bɛrɛbɛrɛ la.

Sɛfanaya 3:6 ပူးပေါင်းရင်းမြစ်များ

Aiseya 14:26

A ko miriya kɛ le a bolo duninyala ko la. A ara a kɔɛn kɔrɔbi sibole mumɛ tɔrɔ-koe la.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 9:12

N ya nyinikalɛ kɛ, n ko nfenna wɔli-kɛ-tinɛnu tinyanɛ? Nfenna nyɔ ara ma iko wula-da-rakolɔn, mɔgɛ ti tenbi kan min? Hɛnkilimɛ mintan si ke koe kɛnu kɔrɛ nya-yenna? Marita karan-dan yon si ke a miriyɛ kɛ rakaranna?

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Sɛfanaya 2:5

Wole Filisiti mɔgɛ minnu siginɛ kɔgɔ-yi dafɛ, wo ara ban donna saya-kiti kɔrɔ. Mari ara ban wo latɛgɛla feu! A ko a si wo kasara, hali mɔgɔ-den-kelen ti to a niyi la.

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Matiyu 23:38

Nba, Alla-Bato-Bon rakolonyanɛ si to feu!

1 Kɔrɛnti 10:11

Koe kɛ bɛɛ mara anu na alako a ni ma misalɛ la mɔgɛ doinu ye. Koe kɛnu sɛbɛra ma ye alako ka ma lalɔn bawo male ye wati-laban tɔ.

1 Kɔrɛnti 10:6

Nba, misalɛ le wo bɛɛ la male ye ka ma lalɔn ko ma kana mala natanu sa ko-yogomɛnu kuma iko wonu ya a ma nya min.

Yasowa 23:4

Ma ya ma yoge min kɛlɛ wo, ma ma min kɛlɛ bɛ wo, n bara wo bɛɛsi ratala wo tɛma ka a dabira Yorodan bɛ ma tele-bɔɛ ha ka ke kɔgɔ-yi ma tele-yigi wara la.