Sɛfanaya 3:3 - ALLALA KUMƐ

³ Yan-mɔgɔ-banu anubɛ yan-kiti-tɛgɛlɛnu mani de iko yara-kɔnkɔtoenu. Anu ba fenfen sɔrɔn, anu si wo kunyɛ lagbana. Anu ti sinan sigi.

Sɛfanaya 3:3 ပူးပေါင်းရင်းမြစ်များ

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 5:29

Kɛlɛ-dannu bi bɔrɔndɔ-bɔrɔndɔla iko yara-tamatoe tenbi ala sogo-faganɛ saganna, fen ti a bi a da la kan min.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Yɛrɛmaya 23:11

Mari ko nɛbinu anubɛ saraka-masɔlɛnu bara kisimiriya-koe dan-natenbi. A ko hali a nyɛrɛta Bato-Bɔn, a ara anu bira sɔn-yogoyɛ la nyɔ.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Isikiyɛli 22:6

Isirɛla kun-tiginu ma la fenfen na fɔ anu nyɛrɛta sɛnbɛ. Wo kɔma, anu ya mɔgɛnu faga.

Isikiyɛli 33:26

Anu bi mɔgɛnu fagala. Anu bi kisimiriya-koenu kɛla. Bɛɛ ye yɛlɛnyɛ kɛla. Nfen bi a tola, anu bi a fɔla ko anu denu denutan ye nyamanɛ wo la?

Habakuku 1:8

“Anuna soeenu bi anu burila ka tenbi kuli la. Soee wonu makilannɛ ka tenbi suluku-kɔnkɔtoe la. Anuna so-laburilɛnu nara le ka bɔ wula-yan la pon! Soee wonu bi anu matɛnna buri-kɛ-koe la. So-laburilɛnu anubɛ anuna soee wonu si yigi anu yogenu kan ma fii iko tanbakɔrɔmanɛ si yigi sisi-dan kan ma nya min!