Sɛfanaya 3:2 - ALLALA KUMƐ

² Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Sɛfanaya 3:2 ပူးပေါင်းရင်းမြစ်များ

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Yaburi 73:28

Ni ndetɛ le, a fisa, mɔgɔ ni a gbɛrɛn Alla ma. Nde ara a ma, n tigi Mari ni n nakanan ka to ala kɛwɔli-nyimɛnu takaranna mɔgɛnu ye, wo fanan di n ye.

Yaburi 78:22

bawo anu ma la a la. Anu ma la a la ko a si ke anu kisila le.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 5:12

Wo si to a fɔla wo nyɛrɛ ma ko, “Nfenna n ma hɛnkili sɔrɔn yona? Nfenna n ma n tole masɔ mɔgɛnu na?

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 43:22

Mari ko male Isirɛla mɔgɛnu sa a batola tun bawo ma sa ma muinna a kɔrɔ.

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 13:25

A ko kɛ le ye nala sigila wo ma. A miriya bɛnnɛ min ma wo wara la, wo le kɛ la. Kɛ bɛɛ ye sigila wo ma bawo wo ara wo kan-kɔ sɔ ale Mari la ka la bɛsɛnu na.

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 22:21

Fen bi wo bolo wati min, Mari kumara wo ye kɔnɔ wo ma wo tole masɔ a la, ado kebi wo dennɛ pɔipɔi, wo tora a mala wo nya. Lun kelen, lun tala, wo ma Mari sako kɛ.

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 35:17

Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Isikiyɛli 22:24

“Ile hadama-dan, i ni a fɔ Isirɛla mɔgɛnu ye ko anuna nyamanɛ sɛninyani ma. Woletɔ n yisi ye bɔla anuna nyamanɛ kan ma ka a tɔrɔ.

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

2 Timoti 3:16

Allala kitabu bɛɛ dinɛ ma ma ka bɔ Alla karɛ rɔ. A bɛnnɛ mɔgɛnu ni karan wo fɛ ka ko-yogoma-kɛlɛnu makuma. Wo si mɔgɛnuna fɛɛnu natelen ka anu makolo telenbagayɛ la.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.