Sɛfanaya 3:14 - ALLALA KUMƐ

¹⁴ E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Sɛfanaya 3:14 ပူးပေါင်းရင်းမြစ်များ

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Yaburi 14:7

N ya madiyali kɛ n sɛbɛ-kuna-wɛ la. N ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Mari ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!

Yaburi 149:2

Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

Yaburi 97:8

Yerusalɛm kɛnu bara sewa, ado Yuda nyamanita-mɔgɛnu bara nyagalen ka a tɛgɛ Mari ara anu yogenuna kiti fɔ nya min.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 37:22

A ko Yerusalɛm kɛnu si tɛgɛ Asiriya Mansa Sɛnakaribu rɔ ka a mayɛlɛn.

Aiseya 40:1

Mari ya a fɔ nde, Aiseya ye ko n ni ata mɔgɛnu niyi radiya.

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 54:1

Mari ko ile Yerusalɛm soe mani de iko musu-gbandɛ. Kɔnɔ kaka, i ni gbele-gbelen nyagalen-sigi sa tinɛ. I si yiri ka tenbi nyaganɛ la minna kei ma a yili rabɔ tele-kelen-bɛrɛni!

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Maika 4:8

Hali wola Yerusalɛm soe kɛ si ma so-karantan la tun. Alla nyɛrɛ si taran wo tɛma ata Bon-Sɛnimɛ la kɔnkɔ-layan-bɛ wo kuma ka wo kun mafɛlɛn iko saga-fɛ-biralɛ si ala sagɛnu kumafɛlɛn nya min.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”