Sɛfanaya 3:13 - ALLALA KUMƐ

¹³ Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Sɛfanaya 3:13 ပူးပေါင်းရင်းမြစ်များ

2 Ko-Kɔrɔta-Karan 20:30

Mansa Yɛhosafati ya ala mansaya-toe duni yisi-kimɛ rɔ. Alla ya ala nyamanɛ latanka kan tinɛ bɛɛ rɔ ala foolɛ bɛɛ rɔ.

Yobu 11:19

I sanɛ si to, ado mɔgɔ-wo-mɔgɔ sa nyɔ min si i maban. Mɔgɛnu si na anu makoe rɔ i wara.

Yaburi 119:3

Anu ti ko-yogoma ma. Anu bi tagamana Marita kilɛ le fɛ.

Yaburi 120:2

Mari, n nakisi yanfantenu anubɛ foninya-fɔlɛnu masibɛ ma.

Yaburi 120:3

Foninyɛ namanɛ wole min nagankuri ma, Alla si nfen tɔrɔya sigi wole ma? A ye wole tɔrɔla kama?

Yaburi 23:2

A ye a mala, n bi n diya iko sagɛ tenbi bin-kuran rɔ. A ye yi-diyamɛnu-tina yirala n na.

Aiseya 17:2

ado a ko Siriyanuna so-mɛsɛnu si to tonbonyɛ la tolon! A ko anu si ma ninki anubɛ sagɛnu de-nyini-tinɛnu na, ado anu gbenna fenfen ti taran.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 54:14

Telenbagayɛ si ile Yerusalɛm tagbɛlɛya gben! Bumalɛ anubɛ kilan fɛ si yanya i la.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 63:8

Mari ko ata mɔgɛ le Isirɛla mɔgɛ kɛnu na. A ko anu ti foninyɛ fɔ a ye ka a yanfa. Woletɔ a ya anu kisi.

Aiseya 65:10

Wo kɔma, a ko Sarɔn lɛɛ si ma sagɛnu de-nyini tinɛ la. Ekan lɛɛ si ma ninkinu daga makɛ tinɛ la. Mɔgɛ minnu bi bilala ale Mari fɛ, ninki wonu si ma wonu halalɛ la.

Yɛrɛmaya 23:4

Mari ko ale nyɛrɛ-nyɛrɛ si kun-tiginu yabɔ ata mɔgɛnu tɔ minnu si anu fɛ-bira. Anu ti kilan tun. Anu kuma ti kɔ. A ko a ti anu tɔrɔ tun. Mari kan le kɛ la.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Isikiyɛli 39:26

Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Saraka-Masɔlɛnuta Tɔnnu 26:6

“Wo si kinɔgɔ wo fanbolo. Mɔgɔ-wo-mɔgɔ ti ke wo makilanna. N si sogo-yogomɛnu nabɔ wola nyamanɛ rɔ. Wo ti kɛlɛ sɔrɔn tun wola nyamanɛ rɔ.

Maika 4:4

Mɔgɛ bɛɛ si taran yisi-kimɛ rɔ anu nyɛrɛta sɛnɛnu tɔ. Mɔgɔ-wo-mɔgɔ sa nyɔ min si wo maban. Wota Mari Sɛnbɛ-Bɛɛ-Tigi ara lanyiri kɛ kiri wo ye.

Maika 4:7

Anu toe minnu bi tola, minnu manɛ iko namarɛnu, a si wonu ma bɔnsɔn-kurɛ dabirɛ la. Wonu si yiri boi! Hali anu bi wula-yannu na pon, a si anu nana anuna nyamanɛ rɔ tun. Mari ko ale le si ma wonuna mansɛ la ata Bon-Sɛnimɛ la Yerusalɛm kɔnkɛ kuma.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Sɛfanaya 2:7

Yuda nyamanita-mɔgɛ toe minnu bi tola, wonu si sigi wole, Filisitinuna nyamanɛ wo rɔ. Wonu si to anuna sagɛnu fɛ-birala nyɔ ka to kila wola bɔnnu na Asikalɔn soe burɔ. Anuta Mari Alla si to anu fɛ alako anu bara-koe ni to tala yarɔ.

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Sakaraya 8:16

A ko wo ye min mala, wo le kɛ la. Wo ni tonyɛ fɔ wo nyɔgɔn ye. A ko wo ni telenbagaya-bɛrɛbɛrɛ lana kiti-sa-tinɛ alako yisi-kimɛ ni to wo tɛma.

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Kɔlɔsi 3:9

Wo kana foninyɛ fɔ wo nyɔgɔn ye bawo wo ara mɔgɔya-kɔrɛ boloka anubɛ wo kɛ-nyanu.

1 Pita 3:14

Kɔnɔ hali wo tɔrɔta bawo wo ye ko-telennɛ kɛla, mɔgɔ-sewanɛ le wo la worɔ! Wo kana kilan mɔgɛnu na, ado wo kana hɔn anuna ko la.

1 Yɔni 5:18

Ma ya a lɔn ko Allala den-bɛrɛ ye minnu na, wonu fenfen ti to hakɛ kɛla bawo Allala dan ye anu kandanna. Setanɛ ti ke anu madumala.

Lankɛnimayɛ 14:5

Anu ma foninyɛ fɔ mumɛ! Fɛɛ-wo-fɛɛ sa anu na.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”