Sɛfanaya 3:11 - ALLALA KUMƐ

¹¹ A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Sɛfanaya 3:11 ပူးပေါင်းရင်းမြစ်များ

Yaburi 131:1

E, Mari, n bara n boloka nta wasinteyɛ la. N bara n kan-kɔ sɔ n nyɛrɛ-kɔrɔtɛ la. N ti nyɛrɛ-kɔndɔfili-koe ladan tun. Ko-makawani-wɛnu bɔrɔ sa n ye tun.

Yaburi 49:5

N tenbi yakɔrɔ-mamɔɛ tɛma, n ti kilan. Karagbɛlɛ fen-tiginu yigi sanɛ anuna nɔnfulu wonu kuma, hali wonu ya n nafoo, n ti kilan n yoge wonu na. Anu bi anu nyɛrɛ matɔgɔla anuna nɔnfuli wonu tɔ.

Yaburi 59:12

Anu bi kumɛ min nabɔla anu da rɔ, wo ye a yirala ko hakɛ-tigi le anu na. Alamɛ anuna wasinteyɛ mara anu bira-fan la. I ni anu kasara wola ko la bawo anu bi dankali-kɛla ka foninyɛ fɔ. I ni anu nato dogbe ita fondo-labɔɛ rɔ! Wo si a ma, bɛɛ ni a lɔn ko ile letan Isirɛla mɔgɛnu na, ado ila mansayɛ ye duninya mumɛ bɛɛ kun na.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 5:15

Mɔgɛ bɛɛ si yarabi. Wasinte bɛɛ fama si yigi.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Aiseya 61:7

Wola miliyɛ si a laban wo bolo fen-tigiya-wa-belebele ma. Fen-tigiyɛ wo si a ma, wo ni sewa-belebele-wɛ kɛ. Mari si wola nyamanɛ kɛ nyɔgɔn fila di wo ma tun. Tɛtɛgɛ-wo-tɛtɛgɛ ti taran wola sewɛ la muk!

Yɛrɛmaya 13:9

a si wole, Yerusalɛm so-burɔ-mɔgɛnu anubɛ Yuda nyamanita-mɔgɛ toe bɛɛta wasinteyɛ ma iko kura-kore wo.

Yɛrɛmaya 7:4

Wo ka la mɔgɛnuna foninya-kumɛnu na minnu bi a yonkanna a la ka to a fɔla ko, “Mari nyɛrɛta Bato-Bɔn le kɛ la min si ma kisi.”

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Daniyɛli 9:20

N tora matarali-kɛla ka n sɔ mabɛ Isirɛla mɔgɛnu hakɛ la. N bi nta Mari Alla matarala ko a ni ata Bato-Bɔn sɔ-kurɛ-kɛ.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Yilan-Yilan Koe 16:3

ka a fɔ anu ye ko, “Nfen ya a to, wo ara wo nyɛrɛ ma iko wo nyɔgɛ sa. Mɔgɔ-sɛnimɛ le ma damasi la kɔnɔ wole miri le ko Mari ara wole dɔrɔn yabɔ ka ma kun-tiginu na male kuma, wa? Ha! Wole, wo ara wotɛ kɛ latenbi!”

Matiyu 3:9

Wo ya wo miri ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye, hali kuri kɛnu, Alla si ke wonu mala dannu na Iburayima ye!

Romu 2:17

Wole don? Wo ye wo nyɛrɛ kelela ko Yahudiyanu. Wo ye wo yigi bɛɛ sala tɔn-kitabu wara-koe kuma ka wo nyɛrɛ matɔgɔ ko Allatɛ le wo la.

Romu 9:33

Iko a sɛbɛnɛ Allala kitabu rɔ nya min, a ko, “Wo ni wo yɛ lana. N bara kuri sa Yerusalɛm soe burɔ. Mɔgɛnu si anu kian latugu kuri wo la min si anu nabui fugbu! Kɔnɔ min bɛɛ lanɛ kuri kɛ la, wonu yigi ti tɛgɛ muk!”

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”