Sɛfanaya 2:9 - ALLALA KUMƐ

⁹ Isirɛlata Mari Sɛnbɛ-Bɛɛ-Tigi ya a keli ko a si Mohabunu anubɛ Amonnu kasara iko a ya Sɔdɔm kɛnu anubɛ Kɔmɔra kɛnu kasara nya min. A ko a si a ma, dɔn-fen ti ma-a-la anuna nyamanɛ wo rɔ muk, fɔ wɔnɛ anubɛ kɔgɛ gbansan! A ko ata mɔgɛ minnu bi tola anu niyi la, wonu si ta bui Mohabunu anubɛ Amonnu ma ka anu bolo-fannu anubɛ anuna nyamanɛ bi anu bolo.

Sɛfanaya 2:9 ပူးပေါင်းရင်းမြစ်များ

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 49:18

Wo ni wola foolɛ mafɛlɛn min bi mala. Wola mɔgɛ minnu kundɛnnɛ, wonu namatoe le. Mari ko a fotɛ a nyɛrɛ rɔ ile Yerusalɛm soe, i si i wasi ila mɔgɛ wonu na iko kɔɛn-kurɛ wa a wasi ala fen-kolomɛnu na.

Yɛrɛmaya 46:18

Mari ko mansɛ le ale Mari Sɛnbɛ-Bɛɛ-Tigi la. A ko Alla-nimɛ le ale la. Iko Tebɔ kɔnkɛ layan kɔnkɛ bɛɛ ko nya min, iko Kamɛli kɔnkɛ dunnɛ kɔgɔ-yi kuma nya min, Iyipiti yogenu sɛnbɛ kolo Iyipititɛ ko wo nya na le.

Yɛrɛmaya 48:1

Mari Sɛnbɛ-Bɛɛ-Tigi ya kɛ le fɔ Mohabu nyamanɛla ko la. A ko bɛɛ ni kinikini Nibɔ kɛnu ma bawo anu si na kasara. Kiriyateyim soe si bira. A tara-layan-bɛ si bui fugbu! A mɔgɛnu yarabinɛ si to,

Yɛrɛmaya 49:1

Mari ya kɛ le fɔ Amonnuna ko rɔ. A ko kurusi-tigi sa Isirɛla mɔgɛnu tɔ min si anuna nyamanɛ kumafunfan? Nfenna Molɛki kɔlɛnu ya Kadi bɔnsɔnta nyamanɛ bi anu yala ka sigi nyɔ, anu ma fenfen fɔ?

Yɛrɛmaya 49:18

Kasarɛ min nyɔgɔn sigira Sɔdɔm anubɛ Kɔmɔra anubɛ anu dafɛ-soenu ma, wo nyɔgɔn si na sigi Idɔm kɛnu fanan ma. Hadama-den fenfen ti sigi nyɔ tun! Mari kan le kɛ la.

Yɛrɛmaya 49:33

Hesɔ soe si ma wula-da-rakolɔn la. A si ma sulukinu sigi-tinɛ la. Hadama-den ti sigi nyɔ tun. Mari kan le kɛ la.

Yɛrɛmaya 50:40

Koe min sigira Sɔdɔm anubɛ Kɔmɔra anubɛ nyɔ-dafɛ-so-mɛsɛnu ma, wo nyɔgɔn si sigi Babilɔn kɛnu ma. Mɔgɔ ti sigi nyɔ tun. Mari kan le kɛ la.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 2:1

“Mari ko wole Mohabu mɔgɛnu, wo ara hakɛ dan-natenbi, ado a si wo tɔrɔ, yɔ! Wo ya Idɔm mansɛ kanbɛ laka ka a kolenu nabɔ. Wo ya anu mintan gburr, alako Idɔm nyamanita-mɔgɛnu ni yarabi.

Sɛfanaya 2:14

A so-tɛma-sogo wo, a bintɔ-sogo wo, nyɔ si ma anu sa-tinɛ la. Bon-kore wonu si ma gbingbinnyagannu sa-tinɛ la. Wonu kuman-kan si to bɔla wundan-korenu na. Mansa-wala-konanu si to kumala bonda-da-korenu na. Fɛrɛn-hakikɛ minnu bi anuna dandan ma, anu yogenu si to wonu madununa.

Sɛfanaya 2:7

Yuda nyamanita-mɔgɛ toe minnu bi tola, wonu si sigi wole, Filisitinuna nyamanɛ wo rɔ. Wonu si to anuna sagɛnu fɛ-birala nyɔ ka to kila wola bɔnnu na Asikalɔn soe burɔ. Anuta Mari Alla si to anu fɛ alako anu bara-koe ni to tala yarɔ.

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,

Romu 14:11

ado a sɛbɛnɛ Allala kitabu rɔ ko Mari ara a keli a nyɛrɛ rɔ ko mɔgɛ bɛɛ si na a nyɛnkin a ye. Mɔgɛ bɛɛ si a fɔ a dɛ la ko Mari le Alla la.

Tɔn-Fɔɛ-Fila-Nyɔgɛ 29:22

“Ni wo ma lanyiri kɛ tɔnnu bira, wo kegeyɛnu anubɛ sibolo-gbɛrɛkɛ-mɔgɛnu ba sɔ wula-yan la ka sɛgi wola nyamani-kɔrɛ mafɛlɛn tinɛ tumɛ min, anu si wola nyamanɛ kasara-nya yen Mari bolo.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.