Sɛfanaya 2:8 - ALLALA KUMƐ

⁸ Mohabunu anubɛ Amonnu bi Mari Sɛnbɛ-Bɛɛ-Tigita mɔgɛnu mayɛlan min kɛla, a ko a ara wo lamɔɛn. A ko anu bi anu nyɛrɛ matɔgɔla ko anu si ala mɔgɛnuna dugi bi anu bolo.

Sɛfanaya 2:8 ပူးပေါင်းရင်းမြစ်များ

Ko-Dabirɛnu 19:37

Ala den fɔlɔtɛ ya den-kei sɔrɔn. A ya a tɔgɔ sa Mohabu. Mohabu mɔgɛnu benba le wo la.

Ko-Dabirɛnu 19:38

A dɔgɔmɛ fanan ya den-kei sɔrɔn. A ya a tɔgɔ sa Bɛn-Ami. Amonnu benba le wo la.

Aiseya 15:1

Kilayɛ le kɛ la Mohabu kɛnuna ko la. Ari soe anubɛ Kira soe kasarata su kelen de kɔrɔ. Mohabu nyamanɛ mumɛ bɛɛ siginɛ a la yen!

Aiseya 16:6

Yuda kɛnu ko, “Ma ya a lamɔɛn ko Mohabu kɛnu wasira dɔgɔma-ma-de! Hali anu wasinɛ ka a dan-natenbi kɔnɔ anu kɔgɔ-raka-koe, fufafu le wo la.”

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 48:1

Mari Sɛnbɛ-Bɛɛ-Tigi ya kɛ le fɔ Mohabu nyamanɛla ko la. A ko bɛɛ ni kinikini Nibɔ kɛnu ma bawo anu si na kasara. Kiriyateyim soe si bira. A tara-layan-bɛ si bui fugbu! A mɔgɛnu yarabinɛ si to,

Yɛrɛmaya 49:1

Mari ya kɛ le fɔ Amonnuna ko rɔ. A ko kurusi-tigi sa Isirɛla mɔgɛnu tɔ min si anuna nyamanɛ kumafunfan? Nfenna Molɛki kɔlɛnu ya Kadi bɔnsɔnta nyamanɛ bi anu yala ka sigi nyɔ, anu ma fenfen fɔ?

Nimisa Koe 3:61

“I wara n mamɔɛn-kan lamɔɛn anu bolo, ado anu bara yanfɛ min bɛɛ kiri n ma, ile Mari ya wo bɛɛ lɔn.

Isikiyɛli 21:28

Mari ya a fɔ tun ko, “Ile hadama-dan, nde, wo Tigi Mari ye nala min fɔla Amonnu ye kɛ la, i ni wo latenbi anu ma bawo anu bi Isirɛla mɔgɛnu tasɛla kati! A fɔ anu ye ko, ‘Faan do ye wo tinya kan ma. A masusanɛ mɔgɔ-faga-koe la. A ye malan-malanna iko san-sɛran.’

Isikiyɛli 25:1

Mari ya a fɔ n ye ko,

Isikiyɛli 35:12

Idɔm kɛnu bara a fɔ nun ko Isirɛla kɔnkɛnu mara nyamani-tinyanɛ la. Anu bara a fɔ fanan ko anu denu denuta ye wonu na. N ba anu tɔrɔ, anu si a lɔn wo le ma ko nde, Mari nyɛrɛ ya anu yen de a fɔla.

Isikiyɛli 36:2

anu Tigi Marita sarakanɛ la. Isirɛla yogenu bi anu nyɛrɛ matɔgɔla ko anutɛ le Isirɛla kɔnkɛnu na.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 2:1

“Mari ko wole Mohabu mɔgɛnu, wo ara hakɛ dan-natenbi, ado a si wo tɔrɔ, yɔ! Wo ya Idɔm mansɛ kanbɛ laka ka a kolenu nabɔ. Wo ya anu mintan gburr, alako Idɔm nyamanita-mɔgɛnu ni yarabi.

Sɛfanaya 2:10

Mohabunu anubɛ Amonnu bi tɔrɔyala wo nya na le ka a tɛgɛ Mari Sɛnbɛ-Bɛɛ-Tigita mɔgɛnuna fɛyɛ ma anu bolo anubɛ anuna wasinteyɛ.