Sɛfanaya 2:3 - ALLALA KUMƐ

³ Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Sɛfanaya 2:3 ပူးပေါင်းရင်းမြစ်များ

2 Samuwɛli 12:22

Mansa Dawuda ya a fɔ anu ye ko, “Tonyɛ le wo la. Nna dan kirɛ sanɛ wati min, n bi sunyɛ le tɔ nun, ado n bi dila. N ya a lɔn nun ko, tumado Mari si kinikini n ma ka dan kɛ niyi lasɛgi n ma.

Yaburi 105:4

Wo ta wo makoenu na Mari wara, ale le si wo dɛnbɛ. Wo ni to ale le kelen pe batola burubukai!

Yaburi 149:4

Mari sewanɛ ala mɔgɛnu na. A ye mɔgɔ-famayiginɛnu gbiliyala nɔlɛ la.

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Yaburi 31:20

I ye anu dogonna i warɛ, karagbɛlɛnu miriya ti ke anu ma kan min. Anu tenbi nyɔ, i si anu tanka anu fɛɛ-donnɛnu masibɛ ma.

Yaburi 45:4

I ni to kɛlɛ kɛla i sɛbɛ-kuna-wɛ la tonyɛ anubɛ telenbagayɛla ko la. I sɛnbɛ si a ma, i ni nɔ-ko sɔrɔn.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 76:9

I mara kiti-tɛgɛlɛ la min kɛ, i ya yo di mɔgɔ-tɔrɔnɛnu ma ka anu dama kisi.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Bɔ-Koe-Iyipiti 12:27

wo ni a fɔ anu ye wo rɔ ko, ‘Wo tumɛ ma ye Iyipiti nyamanɛ rɔ, Mari ya Iyipiti kɛnu halaki kɔnɔ a ya male lakanan nyamanɛ wo rɔ. Woletɔ ma ye Kanan-Ko-Ladiyɛ kɛ kɛla san-bo-san ka sarakɛ bɔ mata Mari Alla ye.’ ” Mɔgɛnu ya anu madu dugi ma ka madiyali kɛ.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Yɛrɛmaya 39:18

Ale Mari ko a si a lamara-nyimɛ-kɛ. Anu ti a faga. A ye wo mala bawo a ara a yigi sa ale Mari rɔ. Ale Mari kan le kɛ la.

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Hoseya 7:10

Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Yona 3:9

Tumado, Alla si a fonde yɛlɛma ma wara la. Tumado, ma ti faga tun ata diminyɛ bolo.’ ”

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Matiyu 5:5

Mɔgɔ-sewanɛ le wo mɔgɛ la min famayiginɛ Alla ye bawo Alla si duninya bɛɛ ma atɛ la!

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Tɛsalonaika 4:10

Ado nfan, wo ye wo kɛla wo na-kelen-nyɔgɛ bɛɛ ye Masidoniya nyamanɛ kan bɛɛ rɔ, yɔ! Woletɔ ma na-kelen-nyɔgɛnu, ma ye wo madiyala ko wo ni diyanayɛ kuma-sa dɛɛ!

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.