Sɛfanaya 2:15 - ALLALA KUMƐ

¹⁵ Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Sɛfanaya 2:15 ပူးပေါင်းရင်းမြစ်များ

Yobu 16:4

Ni n bi le iko wole ye nya min, n si ke kumala iko wole. N si n kunyɛ firifiri ka kuma-gbondanɛnu fɔ wole fanan ma.

Yobu 27:23

Anu burumatoe tenbi tala, fɔnyɔ ye a dɛ gbesila anu kɔma. Ala kasara-mankan ye anu kumakɔla.

Aiseya 22:2

A lasɔnkɔnɛ so-burɔ-mɔgɛ bɛɛ bolo. Mɔgɛ bɛɛ sewanɛ. Wola kɛlɛ-dan minnu bara faga kɛlɛ rɔ, wonu ma faga kɛlɛ-kɛ-tinɛ.

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 32:14

Hali mansɛla bolon-rakolonyanɛ si to, ado wola so-karantan fanan si ma wo nya. Mɔgɛnu siginɛ bɔn minnu na anubɛ anuna kila-mafɛlɛn-bɔnnu si ma tonbɔn la. Bintɔ-sofɛlɛnu anubɛ kolo-fannu dɔrɔn si to anu de-nyinina nyɔ.

Aiseya 32:9

Wole musi minnu bi wo diya, hɔnya sa wo kan na, wo ni wo tole masɔ n kan la.

Aiseya 47:10

Mari ko ile Babilɔn min bara la i nyɛrɛta karagbɛlɛyɛ la, i miri ko mɔgɔ-wo-mɔgɔ ya sa i la. Ila hɛnkilimayɛ anubɛ ila ko-lɔn ara i lasama kilɛ ma. I ye a fɔla ko Alla le ile la. I ko i nyɔgɔn sa.

Yɛrɛmaya 18:16

Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 50:13

Mari ko ka a tɛgɛ ata fondo-bɔɛ ma, mɔgɔ-wo-mɔgɔ ti to sigini Babilɔn tun. Nyɔ si to tonbonyɛ la. Min tenbimatoe wa a yen, wo si kawa ka a bole sa a dɛ la.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Nimisa Koe 2:1

N Tigi Mari ya ala diminyɛ burun Yerusalɛm kuma iko banda-finyɛ. A ara Isirɛla mɔgɛnuna fen-kolomɛ bɛɛ to fu! Ata diminyɛ ara a ma, hali a Bato-Bɔn, a ara a kɔɛn bɔ wo wara-koe rɔ feufeu!

Nimisa Koe 2:15

Mɔgɛ min tenbi tenbila, wo ye a dɛ bosila a kɔrɔ Yerusalɛm soe ma. Min ba ke Yerusalɛm tinyanɛ ma, wo si a bole sa a dɛ la ka kawa. Anu bi a fɔla ko, “So-kinyɛ wo le ma kɛ la nun? Duninya sa anu diyala kɛ le la nun?”

Isikiyɛli 27:36

A ara tinya pɔ, ado duninyama-yila bɛɛ ara kilan. A ti sɔ tun habadan!”

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Nehami 3:19

Bɛsi-wo-bɛsi sa wola tɛlɛnuna ko la, ado wola tɛlɛ wonu ti kɛndɛya muk! Mɔgɔ-wo-mɔgɔ wa a lamɔɛn ko wo ara halaki, wo si lɛnkɛ gbesi sewɛ bolo bawo wo ara karagbɛlɛya-siyaman sigi mɔgɛnu na nun.

Habakuku 1:7

Mɔgɛ minnu ba anu mankan lamɔɛn, anu kun ma si kɔ kilan bolo. Babilɔn kɛnu wasinɛ. Anu denu mirinɛ ko anu ya ko-wo-ko ma, wo telennɛ anu yala.

Matiyu 27:39

Mɔgɔ-tenbimatoenu ya anu kunyɛ radɔn Yisa ma ka a lafɛya.