Sɛfanaya 2:13 - ALLALA KUMƐ

¹³ Mari ko a si Asiriyanu kasara ka anuna Ninɛfa so-karantan ma tonbɔn la iko yi sa wula-da-rakolɔn min tɔ.

Sɛfanaya 2:13 ပူးပေါင်းရင်းမြစ်များ

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 14:26

A ko miriya kɛ le a bolo duninyala ko la. A ara a kɔɛn kɔrɔbi sibole mumɛ tɔrɔ-koe la.

Aiseya 37:37

Woletɔ ale Sɛnakaribu sɛgira a kɔma Ninɛfa soe burɔ.

Yɛrɛmaya 49:33

Hesɔ soe si ma wula-da-rakolɔn la. A si ma sulukinu sigi-tinɛ la. Hadama-den ti sigi nyɔ tun. Mari kan le kɛ la.

Yona 1:2

“I lasɔ, i ni ta Ninɛfa so-karantan rɔ ka nyɔ-mɔgɛnu makuma. Mɔgɛ wonuna ko-yogomɛ ara n tabɔ.”

Yona 3:2

“I lasɔ, i ni ta Ninɛfa so-karantan wo rɔ ka nna sarakanɛ lake nyɔ-mɔgɛnu ma iko n bara min fɔ i ye kɛ la.”

Maika 5:6

Nimirɔdi ya Asiriya nyamanɛ min dabira, ma si nyɔ-mɔgɛnu nɔ mala kɛlɛ-kɛ-fannu na. Asiriya mɔgɛnu ba na bui ma ma tumɛ min, mala kun-tigi-wɛ wonu si ma kisi anu masibɛ ma.

Nehami 1:1

Wɔlɔyiya-kumɛ le kɛ la Ninɛfa soela ko la. Ko-rayen kɛ kɛra nde, Nɛbi Nehami ye min bɔra Ɛlikosi soe burɔ.

Nehami 3:15

Hali wo ya wo raya nya-wo-nya, ni min kunyɛ ma to kɛlɛ rɔ, tɛ si wo tigi mintan gburr! Wo wara-koe si ka-a-la iko kondɔnnu si ki-fan wara-koe ka-a-la nya min. Wo ni wo raya! Wo ni siyaya iko kondɔnnu.

Nehami 3:7

Mɔgɔ-wo-mɔgɔ wa i yen, a si sɛgi a kɔma kilɛ la kilan bolo. Anu si a fɔ ko, “Ninɛfa ara yɛlɛma sundu-kunyɛ la.” Mari ko a ma mɔgɔ-wo-mɔgɔ yen a kolan la min si di Ninɛfa soe kɛla ko la. A wu-bɔ-sɔgɔ ti mɔgɔ-wo-mɔgɔ bira.

Sɛfanaya 1:4

Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.