Sɛfanaya 2:10 - ALLALA KUMƐ

¹⁰ Mohabunu anubɛ Amonnu bi tɔrɔyala wo nya na le ka a tɛgɛ Mari Sɛnbɛ-Bɛɛ-Tigita mɔgɛnuna fɛyɛ ma anu bolo anubɛ anuna wasinteyɛ.

Sɛfanaya 2:10 ပူးပေါင်းရင်းမြစ်များ

1 Ko-Kɔrɔta-Karan 16:21

Kɔnɔ Alla ma sɔn anu tɔrɔ koe ma mɔgɔ-wo-mɔgɔ bolo. A ya sibolo-gbɛrɛ-mansɛnu makawandi.

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 9:17

Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma.

Aiseya 16:6

Yuda kɛnu ko, “Ma ya a lamɔɛn ko Mohabu kɛnu wasira dɔgɔma-ma-de! Hali anu wasinɛ ka a dan-natenbi kɔnɔ anu kɔgɔ-raka-koe, fufafu le wo la.”

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 48:14

Mohabu keinu bi anu nyɛrɛ mala kɛlɛ-nyananu na nfenna ko la? Anu miri ko kɛlɛ ara anu tasuma nun, ba?

Yɛrɛmaya 48:29

Mohabu kɛ kɛnu wasira. Anu nyɛrɛ kɔrɔtanɛ. Anu ya anu nyɛrɛ kelen pe lɔn mɔgɛ la.”

Nimisa Koe 1:9

Ala sɛninyabɛlitayɛ wo mani de iko musi min wulita ala kurɛ ratinyana kɔnɔ a ma a miri nun ko a si a laban wo nya na. A labui-koe ya mɔgɛnu tɛrɛna. Mɔgɔ-den-kelen sa nyɔ min si a madiya. A ye dila ko, “E, Mari, i wara n nɔ-nya yen n yogenu bolo, wa? N dɛnbɛ.”

Isikiyɛli 25:6

“Nde, wo Tigi Mari ko Amonnu bara sewa boloko-yogomɛ-kɛ min kɛ Isirɛla tinya-koe la, anu bara nyagalen-haka-yasɛ dɔn.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Hɔbadaya 1:11

Isirɛla yogenu nara tumɛ min ka Yerusalɛm tarɛ dɛnu keri, wo sɔnɛ tora wo gbɛ rɔ. Wo ma sɔn wo na-kelen-nyɔgɛnu dɛnbɛna kɛlɛ la mumɛ! Wo ma ta kankannu fɛ kankanya-kɛ-tinɛ kɔnɔ a ko wo yogo iko mɔgɛ wo minnu ya kankanya-fannu tala anu nyɔgɛnu tɛma.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Sɛfanaya 2:8

Mohabunu anubɛ Amonnu bi Mari Sɛnbɛ-Bɛɛ-Tigita mɔgɛnu mayɛlan min kɛla, a ko a ara wo lamɔɛn. A ko anu bi anu nyɛrɛ matɔgɔla ko anu si ala mɔgɛnuna dugi bi anu bolo.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”