Sɛfanaya 1:7 - ALLALA KUMƐ

⁷ Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Sɛfanaya 1:7 ပူးပေါင်းရင်းမြစ်များ

Yobu 24:1

A bɛnta Alla Sɛnbɛ-Bɛɛ-Tigi ni wati-yɔnyɔn sa hadama-dan kiti-tɛgɛ-koe rɔ, ado ata mɔgɛnu sa a yenna karagbɛlɛnu kiti tɛgɛla.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Aiseya 13:3

Mari ara ala kɛlɛ-kɛla-wɛnu yabɔ ka ta kɛlɛ-sɛnimɛ kɛ alako a diminyanɛ minnu ma, a ni wonu tɔrɔ.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Isikiyɛli 7:10

“Halakiyi ye nala wole Isirɛla mɔgɛnu ma. Wo ara karagbɛlɛyɛ dan-natenbi. Wo ara wasɛ dan-natenbi.

Isikiyɛli 7:7

Wole min siginɛ Isirɛla nyamanɛ kɛ rɔ, wo lato-wati ara ke. Wo ti ladiya-wo-ladiya kɛ tun wola bɛsi-kɔ-tinɛnu tɔ kɔnkɛnu kuma fɔ halakiyi tun!

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Emɔsi 6:10

Furi wonu na-kelen-nyɔgɛnu ba na anu nabɔ tinɛ bɔn wo la, anu ni ta mɔgɛ do taran nyɔ, anu si a manyinika ko, ‘I kelan le yan?’ Wo si anu yabi ko, ‘Ɔn!’ Furi wo na-kelen-nyɔgɛnu si a fɔ mɔgɛ wo ye ko, ‘I rade don! I kana Alla tɔgɛ ratɛgɛ yan tɔ tun alako mɔgɔ-gbɛrɛkɛ kana faga.’

Emɔsi 8:3

Wo tɔrɔya-tele wa ke tumɛ min, musinu bi sewa-sigi minnu sala mansɛta bɔn la nun, sigi wonu si yɛlɛma saya-di-kɛ-kan la. Anu si a fɔ ko, “Furinu bolokanɛ belenna kan tinɛ bɛɛ rɔ. Ma ni ma rade wona.”

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Sakaraya 14:1

Marita kiti-tɛgɛ-tele ara gbɛrɛn. Wo tele nyɛrɛ rɔ, sibolo-gbɛrɛnu si bui Yerusalɛm soe ma ka wola fen-kolomɛnu tala wo ya la.

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Matiyu 22:4

Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 9:20

Yon bi ile la ka Allala kumɛ sɔsɔ? Bɔnku-dagɛ ti ala sɔlɛ manyinika ko, “Nfenna i wara n nadan ka?”

Filipai 4:5

Mɔgɛ bɛɛ ni a lɔn ko wo dinyanɛ, ado Mari na-tumɛ ara gbɛrɛn!

Kɔlɔsi 1:12

ye baraka birala n Fa Alla ye sewɛ rɔ. A ara ko-rabɛn-kɛ ko wo ni wotɛ sɔrɔn min maranɛ ala mɔgɛnu ye, ado wo siginɛ ata mansaya-waan kɔrɔ.

1 Samuwɛli 16:5

Samuwɛli ya a fɔ ko, “Ade, n nara le dɔrɔn ka sarakɛ bɔ Mari ye. Wo ni wo nyɛrɛ sɛninya iko tɔn ya a fɔ nya min. Wo ni bila n fɛ.” A ya a fɔ Yɛsi anubɛ ala dannu ye wo nya na le fanan ka anu kele saraka-bɔɛ kuma.

1 Samuwɛli 20:26

Mansa Sɔli ma a da tugu Dawuda wara-ko-kumɛ la wulɔn-tele rɔ bawo a miri nun wulɔn, ko tumado koe do ara ma Dawuda la min bara a ma, a ma sɛninya iko tɔn ya a fɔ nya min.