Sɛfanaya 1:5 - ALLALA KUMƐ

⁵ Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Sɛfanaya 1:5 ပူးပေါင်းရင်းမြစ်များ

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:5

A donta Saidon kɛnuna bɛsi Asitɔra kɔ-koe rɔ min nadannɛ musila muninyɛ rɔ. A kɛnɛna Amonnuna bɛsɛ fanan kɔla min tɔgɛ Molɛki. Wo wara-koe sɔgɔ labɔnɛ Alla la lass!

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

2 Mansɛnu 17:32

Hali anu bi Mari fanan batola, anu ya mɔgɛnu yabɔ anu nyɔgɔn tɛma ka wonu ma anuna bɛsi-kɔlɛnu na. Bɛsi-kɔlɛ kɛnu kɛnɛna anuna sarakɛnu bɔla Alla-batobɛlɛnuna kan-tina-mayɛlɛnɛnu tɔ.

2 Mansɛnu 17:33

Anu tora Mari batola kɔnɔ hali wo, anu tora anuna bɛsɛnu fanan kɔla iko anu barɛ namu ye nya min.

2 Mansɛnu 17:41

Woletɔ mɔgɛ kɛnu bi Mari batola kɔnɔ hali wo, anu bi anuna bɛsɛnu kɔla fanan. Ha bi, anu kegeyɛnu bi wonu kun na.

2 Mansɛnu 23:12

Yuda mansɛnu ya bɛsi-kɔ-tinɛ minnu nadan Mansa Ehasi ki-tina-kɔrɛ kuma, ale Mansa Yosaya ya wo rakeri. Mansa Manasa ya bɛsi-kɔ-tinɛ minnu nadan Mari Bato-Bɔn kata gbaranda filɛ burɔ nun, a ya wonu fanan takeri. A ya kan-tina filɛ wo bɛsɛnu takerikeri ka wonu nakɛ a rɔ Kidirɔn lɛɛ rɔ.

Aiseya 22:1

Sarakanɛ kɛ nanɛ lɛɛla ko la min bi Yerusalɛm tɔgɔ fɛ. A tɔgɛ le Ko-Rayira-Lɛɛ. Nfen bi ma-tinɛ wo la? Wole so-burɔ-mɔgɛnu, wo ye nfen sewala wola bɔnnu kuma?

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Aiseya 48:1

Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Yɛrɛmaya 12:16

A ko a sɔgɛ le ye a la nun ko anu ni wole, ata mɔgɛnu kɛ-nya karan. A ko fɔlɔ nun, anu ya wole, ata mɔgɛnu nabila lanyiri-kiri-bole la bɛsi Beyali ye. Kɔnɔ kaka, a sɔgɛ ye a la, anu ni ale Mari tɔgɛ ratɛgɛ lanyiri-kiri-tinɛ. A ye a fɛ anu ni a fɔ ko, “A ye mabɛ Mari tɛma… A ko ni anu ya wo ma, anu bara-koe ti sɛgi kɔma. A ko a si a ma, anu ni taran wole, ata Isirɛla mɔgɛnu kurun tɔ.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 49:1

Mari ya kɛ le fɔ Amonnuna ko rɔ. A ko kurusi-tigi sa Isirɛla mɔgɛnu tɔ min si anuna nyamanɛ kumafunfan? Nfenna Molɛki kɔlɛnu ya Kadi bɔnsɔnta nyamanɛ bi anu yala ka sigi nyɔ, anu ma fenfen fɔ?

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Yɛrɛmaya 5:7

Mari ko nde ni ma makoto-kunya fɔ a ye bawo wole, ata mɔgɛnuna ko sa ala ko rɔ tun. Wo dama ara wo gboro bɛsɛnu tɔ Alla ma minnu na. Alla ko a ye wo hayu bɛɛ kasala kɔnɔ hali wo, wo telenni ma a ye. Wo kɛnɛ wo nyɔgɔn kɔma yɛlɛnnuna bɔn la.

Yɛrɛmaya 7:10

Mari ko wo bole si to ko sufa kɛnu tɔ minnu gbo a ye, wo kɔma, wo ni na sɔ a yakɔrɔ yan? A ko ale ara a bato-tinɛ min yabɔ kɛ, wo si ke nala sɔla yan ka a bato, wa? Wole miri ko wo ara kanan, nyɛ? Wo kanannɛ alako wo ni fɛrɛ sɔrɔn ko sufa kɛnu ma-tinɛ, wa?

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Emɔsi 5:26

Wo hɛnkili ye wola bɛsɛnu ma minnu tɔgɛ Molɛki anubɛ Saiyun bawo wo tora yilan-yilanna wola bɛsɛ kɛnu na wo bolo. Woletɔ Mari ko

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Kɛwɔlɛnu 10:9

Wo banda kɛ, anu gbɛrɛnnɛ Yapa soe ma tumɛ min, wo ya a taran, Pita ye Alla matara tinɛ bɔn kuma tele-latelan.

Romu 14:11

ado a sɛbɛnɛ Allala kitabu rɔ ko Mari ara a keli a nyɛrɛ rɔ ko mɔgɛ bɛɛ si na a nyɛnkin a ye. Mɔgɛ bɛɛ si a fɔ a dɛ la ko Mari le Alla la.

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.