Sɛfanaya 1:4 - ALLALA KUMƐ

⁴ Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.

Sɛfanaya 1:4 ပူးပေါင်းရင်းမြစ်များ

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

2 Mansɛnu 23:12

Yuda mansɛnu ya bɛsi-kɔ-tinɛ minnu nadan Mansa Ehasi ki-tina-kɔrɛ kuma, ale Mansa Yosaya ya wo rakeri. Mansa Manasa ya bɛsi-kɔ-tinɛ minnu nadan Mari Bato-Bɔn kata gbaranda filɛ burɔ nun, a ya wonu fanan takeri. A ya kan-tina filɛ wo bɛsɛnu takerikeri ka wonu nakɛ a rɔ Kidirɔn lɛɛ rɔ.

2 Ko-Kɔrɔta-Karan 34:4

Ala mɔgɛnu ya Beyali kɔ tinɛnu tinya ka isɛnti mintan tinɛnu tinya minnu bi bɛsɛ wonu dafɛ. Anu ya bɛsi-musi Asura wonubɛ bɛsɛ doinu tabunden. Wo kɔma, a ya bɛsɛ wonu gbangbannu kɛ bɛsɛ wonu masɔlɛnu kaburunu kuma.

Bɔ-Koe-Iyipiti 15:12

I ya i kɔɛn-nyimɛ rasagan dɔrɔnni, dugu-kole ya Iyipiti mɔgɛnu nakunu.

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 6:12

Wo halala-bɔnnu si to mɔgɔ-gbɛrɛnu bolo. Wola musinu anubɛ wola wɔli-kɛ-tinɛnu si di mɔgɔ-gbɛrɛ ma. A ko a wa a kɔɛn kɔrɔbi, a si wole, Yuda mɔgɛnu tɔrɔ.

Isikiyɛli 25:7

N si anu don sibolo-gbɛrɛnu bolo. Wonu si anuna mirannu kankan anu ma. N si anu halaki ha ka anu sibole bɛɛ ban. Anu ti anu halala-nyamanɛ sɔrɔn tun! Wo si a lɔn wo le ma ko wo Tigi Mari le nde la.”

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Maika 5:13

Wo ye bɛsɛ minnu kɔla, a si wonu kasara. Woletɔ wo si fan minnu nadan wo nyɛrɛ bole la, wo ti wonu kɔ tun!

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Sɛfanaya 2:13

Mari ko a si Asiriyanu kasara ka anuna Ninɛfa so-karantan ma tonbɔn la iko yi sa wula-da-rakolɔn min tɔ.