Sɛfanaya 1:18 - ALLALA KUMƐ

¹⁸ Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 1:18 ပူးပေါင်းရင်းမြစ်များ

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

1 Mansɛnu 14:22

Yuda mɔgɛnu ya hakɛ kɛ Mari la. Anu tora ko-yogoma-siyaman mala ka tenbi anu benbanu na alako Mari fonde ni bɔ.

Yobu 21:30

Anu si a fɔ ko Alla wa tɔrɔyɛ sigi mɔgɛnu ma tumɛ min, a si kinikini karagbɛlɛnu denu ma.

Yobu 3:15

N si ma nun iko kun-tigi-tenbinɛ minnu kanbɛnu nafara sɛnɛ anubɛ wodi-gbɛ la nun.

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 18:11

Nɔnfulu-tigi ya ala nɔnfuli le lɔn ala kisilɛ la. A ya a lɔn ko tarɛ le ala fen-tigiyɛ wo la, mɔgɛ ti ke tenbila min na.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 10:17

Alla min bi kala-malanyɛ la Isirɛla mɔgɛnu ye, wo ko a si ma ta-wɔnkɔrɔmɛ la. Isirɛla mɔgɛnuta Mari-sɛnimɛ si yɛlɛman ta-mɛlan la. A ko a si fan bɛɛ mintan tele kelen kɔrɔ hali wɔnɔ-firɛ.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Isikiyɛli 16:38

I wara yɛlɛnyɛ anubɛ fagalɛ min dan-natenbi, woletɔ n bara itɛ bɔ tɔn rɔ. N si i faga don, nta yisi-bɔ-wulen-bɛ la.

Isikiyɛli 23:25

N si a ma, anu ni i tɔrɔ anuna yisi-bɔɛ la bawo nde fanan yisi bɔnɛ i kuma kati! Anu si i sunyɛ anubɛ i tole ka ka ila dannu faga i yala. Anu si wola den-keinu anubɛ dunmusinu kɛndɛ mintan i yala.

Isikiyɛli 7:11

Wola karagbɛlɛyɛ ara sɛgi wo ma iko gbeleka-kundi. Wola fen-kolomɛ wo, wola kinyɛ wo, wola gbiliyɛ wo, wo bɛɛ si tunu yen!

Isikiyɛli 7:19

Anu si anuna sɛnɛ anubɛ anuna wodi-gbɛnu nakɛ a rɔ luyinu ma iko bin-gbalɛ bawo nde, Mari wa wuli anu tɔrɔla, wo fenfen ti ke anu kunyɛ bɔla a rɔ. Fen-kolomɛ wonu ti anu mako nyinya. Anu buyi la ti fa wonu na, ado anuna sɛnɛ anubɛ anuna wodi-gbɛ, wonu denu ya anu nadon hakɛ rɔ.

Isikiyɛli 7:5

“Nde, wo Tigi Mari Alla ko halaki-su-siyaman si to sigila wo la.

Sɛfanaya 1:11

Minnu bi soe ya-layigi ma, anu si yilayɛ kɛ kan min, anu ni di anu sɛbɛ-kuna-wɛ la bawo yilanu si ban fagala.

Sɛfanaya 1:15

Wulɔn si ma Marita diminyɛ-yira-tele la ma la. Wulɔn si ma tɔrɔya-tele la mɔgɛ bɛɛ ye. Wo wati si ma bolo-fan damasi-tinya-wati anubɛ halakiyi-wati la. Tɔrɔyɛ si pinpi lana ma kuma bɛff! A si ma iko tele ma bɔ lunyɛ min.

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.