Sɛfanaya 1:14 - ALLALA KUMƐ

¹⁴ Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Sɛfanaya 1:14 ပူးပေါင်းရင်းမြစ်များ

Aiseya 15:4

Hɛsibɔn kɛnu anubɛ Ɛlɛyela kɛnu bi anu dɛ sala-a-rɔ. Anu di-kɛ-kan ye tala fɔɔ Yehasi soe. Anuta kɛlɛ-dannu tora yɛrɛyɛrɛnna yutoyɛ bolo.

Aiseya 33:7

Hali kerintenu si keleli kɛ anu dɛnbɛn-koe rɔ. Hali nyamani-yɛ minnu bi yisi-kimɛ lanala nun, wonu ya-yi si to yigila biribiri!

Aiseya 66:6

Wo ni wo tole masɔ yerelen-kan la Yerusalɛm soe burɔ. Wo ni wo tole masɔ sɔnkɔ-sɔnkɔ-kan la Bato-Bɔn la. Mari le a yogenu tɔrɔ tinɛ wo la. Tɔrɔyɛ min bɛnnɛ anu ma yɔ, a ye wo le sigila anu ma wo la.

Aiseya 8:22

anubɛ ka anu yɛ gbala dugi la, anu ti fenfen yen fɔ tɔrɔyɛ anubɛ pinpi. Anu bi tala kan min, anu ti fenfen taran nyɔ fɔ pinpi-makilanni-bɛ.

Yɛrɛmaya 25:36

N bi wole, kun-tiginu yerelen-tɛgɛ-kan lamɔɛnna. N bi wole, mɔgɔ-banu di-kɛ-kan lamɔɛnna. Wo ye mala le bawo Mari ye wola nyamanɛ kasarɛ kun na.

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 48:41

Anu si Mohabu soe bɛɛ bira-a-la anubɛ a so-latankanɛnu. Tele wo ma, Mohabu kɛlɛ-dannu si kilan iko musi buyi wa a lamaga.”

Isikiyɛli 12:23

A fɔ anu ye ko wo Tigi Mari le kɛnu wara-koe fɔla wo ye. A fɔ anu ye tun ko n si tɔn sigi anuna sarandi-sɛ wo la. Mɔgɔ ti wo fɔ Isirɛla nyamanɛ rɔ tun. Wo kɔma, a fɔ anu ye ko anu bi min fɔla gbɛ anubɛ anu bi wɔlɔyiya-kumɛ minnu fɔla, anu kan ni bɔ a la ko-rayirɛ wo rɔ. Wo wati ara ke!

Isikiyɛli 30:3

ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Yowɛli 3:14

Mɔgɔ waga yirika-siyaman nadɛnnɛ Kiti Sa Lɛɛ kɛ rɔ. Marita tele si anu taran lɛɛ wo rɔ.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Emɔsi 8:2

Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Sɛfanaya 1:10

Mari ko wo-wulɔn-tele rɔ, ma si di-kɛ-kan lamɔɛn Yerusalɛm soe burɔ yan, don-dɛ min tɔgɛ Yɛgɛ, wo telen tɔ. Ma si mɔgɛnu gbele-gbelen-kannu namɔɛn soe tonke wo rɔ, anu ban-san min nadanna, kɔni. Ma si bɔnnu nawuya-kannu namɔɛn Yerusalɛm kɔnkɛnu kuma.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Malakayi 4:5

Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

Kɛwɔlɛnu 2:20

Yanni ale Marila gbiliya-tele-makawani-bɛ ni ke, a ko tele si fin, karɛ si wulen iko yele,

Filipai 4:5

Mɔgɛ bɛɛ ni a lɔn ko wo dinyanɛ, ado Mari na-tumɛ ara gbɛrɛn!

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

Hiburunu 12:26

A kuman-kan ya dugu-kole layɛrɛyɛrɛn wo wati rɔ kɔnɔ kaka, a ara lanyiri kiri ko, “N si dugi layɛrɛyɛrɛn iko kelen tun, yɔ! Dugu-kole dɔrɔn ma de, fɔ san-kole fanan.”

Yemesi 5:9

N na-kelen-nyɔgɛnu, wo kana gbunya wo nyɔgɔn kɔrɔ, ni wo ma, Alla si wo kiti tɛgɛ. Wo ni wo yɛ lata. Kiti-tɛgɛlɛ sɔnɛ dɛ la. A sɔgɛ ye a la, a ni don.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!