Sɛfanaya 1:10 - ALLALA KUMƐ

¹⁰ Mari ko wo-wulɔn-tele rɔ, ma si di-kɛ-kan lamɔɛn Yerusalɛm soe burɔ yan, don-dɛ min tɔgɛ Yɛgɛ, wo telen tɔ. Ma si mɔgɛnu gbele-gbelen-kannu namɔɛn soe tonke wo rɔ, anu ban-san min nadanna, kɔni. Ma si bɔnnu nawuya-kannu namɔɛn Yerusalɛm kɔnkɛnu kuma.

Sɛfanaya 1:10 ပူးပေါင်းရင်းမြစ်များ

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

2 Mansɛnu 22:14

Nɛbi-musi do siginɛ Yerusalɛm kan-tina-kurɛ do rɔ, a tɔgɛ Hulada. Nɛbi-musi kɛla kei le Tekefala den Salumu na. Salumu wo benba tɔgɛ le Harahasi. Bato-Bɔn wo durukinu namaralɛ le ale Salumu na. Koe min bɛɛ mara, anu ya wo rakaran nɛbi-musi wo ye.

2 Ko-Kɔrɔta-Karan 3:1

Mansa Silamɛni fa Mansa Dawuda ara Bato-Bɔn sɔ tinɛ rabɛn nun. Nyɔ ye gbere-koloyɛ le la Yɛbusi do bolo min tɔgɛ Arɔna. Kan tinɛ kɛ ye Muraya kɔnkɛ le kuma Yerusalɛm soe burɔ, ado Mari ya a nyɛrɛ yira Mansa Dawuda la nyɔ le. Mansa Silamɛni ya Bato-Bon-sɔɛ dabira

2 Ko-Kɔrɔta-Karan 32:22

Mari ya Mansa Hɛsakaya anubɛ Yerusalɛm kɛnu kisi Asiriya Mansa Sɛnakaribu masibɛ ma wo nya na le. A ya anu kisi anu yogo-gbɛrɛ donu fanan ma. Mari ya a ma, anu sigira yisi-kimɛ rɔ anu dafɛ mɔgɛnu bolo.

2 Ko-Kɔrɔta-Karan 33:14

Wo kɔma, Mansa Manasa ya tarɛ-kɔmatɛ lakoloya tele-bɔɛ wara la. A ya wɔlɛ wo dabira lɛɛ rɔ Kiyɔn tenke wara la ka ta kantɔ-wara la ha ka ta ke don-dɛ ma min tɔgɛ le ko, “Yɛgɛ.” Yerusalɛm soe tonke min tɔgɛ le ko, “Ofɛli,” a ya nyɔ-tarɛ ladan fanan. Tarɛ mininɛ soe minnu ma Yuda nyamanɛ rɔ, a ya kɛlɛ-den-kunyɛ donu nata soe wonu tɔ.

2 Ko-Kɔrɔta-Karan 34:22

Saraka-Masɔla-Kun-Tigi-Wɛ Helikaya anubɛ mɔgɛ donu tara nɛbi-musi do manyinika min tɔgɛ Hulada iko Mansa Yosaya ya a fɔ anu ye nya min. Wo siginɛ Yerusalɛm kan-tina-kurɛ do rɔ. (Nɛbi-musi kɛla kei le Tekefala den Salumu na. Salumu wo benba tɔgɛ le Harahasi. Bato-Bɔn wo durukinu-namaralɛ le ale Salumu na.) Koe min bɛɛ mara, anu ya wo rakaran nɛbi-musi wo ye.

Nihɛmaya 12:39

Ma bɔra nyɔ ka ke don-dɛ ma min tɔgɛ Ifɛrɛm. Ma tenbira nyɔ la, ma tara ke don-dɛ ma min tɔgɛ Yɛsena. Ma bɔra nyɔ, ma tara ke don-dɛ ma min tɔgɛ Yɛgɛ. Ma tenbira nyɔ fanan na, ma tara ke kan-tina-layan-bɛ ma min tɔgɛ Hananɛli. Ma tenbira nyɔ la, ma tara ke kan-tina-layan-bɛ do fanan ma min tɔgɛ Kɛmɛ. Ma bɔra nyɔ, ma tara ke don-dɛ doi ma min tɔgɛ Sagɛ. Ma tara a laban fɔɔ tarɛ don-dɛ min tɔgɛ Kandannɛnuta Don-Dɛ.

Nihɛmaya 3:3

Haseneya kebilɛ, wonu denu ya tarɛ don-dɛ ladan min tɔgɛ Yɛgɛ. Wonu ya a kankan anubɛ a da-rasɔgɔ-fan bɛɛ ladan.

Aiseya 59:11

Ma dama ye kurunna iko suluki. Ma kuman-kan makinikininɛ iko purulantɛ. Ma ye ma yɛ lakalanna telenbagayɛ ma kɔnɔ ma sa a yenna. A sɔgɛ ye ma la, ma ni kisi kɔnɔ kisi-koe fɛ-yan ma la pon!

Yɛrɛmaya 39:2

Sɛdɛkayala mansayɛ san tan-ni-kelen-nyɔgɛ wo karɛ nanɛ, a tele kɔnɔntɛ ma, anu ya soe tarɛ keri tele wo le ma.

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Emɔsi 8:3

Wo tɔrɔya-tele wa ke tumɛ min, musinu bi sewa-sigi minnu sala mansɛta bɔn la nun, sigi wonu si yɛlɛma saya-di-kɛ-kan la. Anu si a fɔ ko, “Furinu bolokanɛ belenna kan tinɛ bɛɛ rɔ. Ma ni ma rade wona.”

Sɛfanaya 1:15

Wulɔn si ma Marita diminyɛ-yira-tele la ma la. Wulɔn si ma tɔrɔya-tele la mɔgɛ bɛɛ ye. Wo wati si ma bolo-fan damasi-tinya-wati anubɛ halakiyi-wati la. Tɔrɔyɛ si pinpi lana ma kuma bɛff! A si ma iko tele ma bɔ lunyɛ min.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.