Sakaraya 9:8 - ALLALA KUMƐ

⁸ Kɔnɔ Mari si ala mɔgɛnu anubɛ a Bato-Bɔn kanan sibolo-gbɛrɛnu masibɛ ma. Ala mɔgɛnu yogo-wo-yogo ti anu nɔ tun bawo ale Mari ara a yen anu tɔrɔta anu bolo nya min.

Sakaraya 9:8 ပူးပေါင်းရင်းမြစ်များ

2 Samuwɛli 16:12

Tumado Mari si nta tɔrɔyɛ kɛ yen ka ala mɔɛn wo yɛlɛma duwɛ la n ye.”

2 Mansɛnu 19:34

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Mansɛnu 24:1

Yahoyakim ye mansayɛ la tumɛ min, Babilɔn Mansa Nɛbukanasa tara bui Yuda nyamanita-mɔgɛnu ma. San sawa Mansa Yahoyakim ye Mansa Nɛbukanasa kɔrɔ. Wo kɔma, a murutiyara a ma.

Yaburi 34:7

Minnu bi Mari gbiliyala, ata melika si wonu kandan. A si anu tanka masibɛ ma.

Yaburi 72:4

Alamɛ mansɛ ya bolo-kolɔnnu kiti telenbagayɛ la. Alamɛ a ya fugarɛnu hayu kasa ka anu yogenu kasara.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Bɔ-Koe-Iyipiti 3:9

Isirɛla mɔgɛnu di-kɛ-kan ara ke n ma nkɛkuna, ado Iyipiti kɛnu bi anu tɔrɔla nya min, n bara wo bɛɛsi yen.

Hɛnkilimaya-Kumɛnu 3:25

Kasarɛ anubɛ yakɔrɔ-mamɔɛ min bi sigila karagbɛlɛnu ma, i ti kilan wonu na

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 31:5

Mari si to firifirila Yerusalɛm kuma ala mɔgɛnu kandan tinɛ iko kona ye firifirila ala dannu kuma nya min.

Aiseya 4:5

Wo kɔma, Mari si banda-fin-gbɛ lana tele rɔ Yerusalɛm kuma anubɛ min bɛɛ ladɛnnɛ nyɔ. Wo si ma ta-mɛlan anubɛ ta-sisi la suyi rɔ. Allata gbiliyɛ si soe yamatogon ka a lakanan.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 52:12

Wo wa bɔ kɛ rɔ, hali wo ma bɔ tiriya! Hali wo ma buri kɛ rɔ. Wota Mari Alla si sɔ wo yarɔ ka wo kumafunfan kan bɛɛ rɔ.

Aiseya 54:14

Telenbagayɛ si ile Yerusalɛm tagbɛlɛya gben! Bumalɛ anubɛ kilan fɛ si yanya i la.

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Yɛrɛmaya 46:13

Babilɔn Mansa Nɛbukanasa nara Iyipiti kɛlɛ-tinɛ tumɛ min, Mari kumara n ye. A ko

Yɛrɛmaya 46:2

A ya a dabira Iyipiti ma. Yahoyakimta san nani nyɔgɛ ma Yuda nyamanɛ kun na, Babilɔn Mansa Nɛbukanasa ya Iyipiti Mansa Nikola kɛlɛ-dannu nɔ Yufereti bɛ dafɛ Kakemisi soe burɔ.

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Emɔsi 9:15

A ko a si ala mɔgɛnu ki anu halala-nyamanɛ rɔ. A ko anu ti wurun nyɔ ma tun. Mari kan le wo la.

Sakaraya 12:4

Wo wati wa ke, a ko a si anuta soeenu takilan ka anu naburilɛnu nayuwaya. A ko a si a kolan bɛn Yuda kɛnu ma ka anu yogenuna soeenu nafiyonya.

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Sakaraya 14:11

Mɔgɛnu si sigi lafɛrɛ rɔ Yerusalɛm soe burɔ. Yerusalɛm kasara-ko-kuma fenfen ti taran mɔgɛnu da rɔ tun.

Sakaraya 9:7

Anu ti soge anubɛ a yele dɔn tun iko anu duruta a mala nya min, ado dɔn-fen-haramunɛ ti ke anu dɛ ma tun. A mɔgɛ toe minnu tonɛ, wonu si ma Maritɛ la ka ma Yuda furu-nyɔgɛnu na. Ɛkirɔn so-burɔ-mɔgɛ toenu si kofu Isirɛla mɔgɛnu ma iko Yebusinu mara nya min.

Kɛwɔlɛnu 7:34

A ko a ara ata mɔgɛnuna tɔrɔya-wɛ yen Iyipiti nyamanɛ rɔ. A ara anu kurun-kan lamɔɛn. A ko a ara yigi anu nakisi tinɛ ko a ye nala ale Musa sɔla Iyipiti nyamanɛ rɔ.

Lankɛnimayɛ 20:9

Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.